Jio के नवा दांव: अब पूरा महीना भर चलही रिचार्ज, जानव अतका रुपिया वाला सस्ता प्लान
Jio 339 recharge plan : रिलायंस जियो ह अपन करोड़ों यूजर मन ला राहत देवत हुए एक महीना के वैलिडिटी वाला नवा रिचार्ज प्लान पेश करे हे। ये प्लान के कीमत 339 रुपिया रखे गे हे। कंपनी ह एला 349 रुपिया वाला पुराना पॉपुलर प्लान के सस्ता विकल्प के रूप म बाजार म उतारे हे।
339 रुपिया के प्लान म का हे खास? जियो के ये नवा प्लान म यूजर मन ला 28 दिन के जगह पूरे ‘कैलेंडर महीना’ के वैलिडिटी मिलही। मतलब महीना चाहे 30 दिन के हो या 31 दिन के, रिचार्ज पूरे महीना भर चलही। एखर से यूजर मन ला बार-बार रिचार्ज के झंझट ले मुक्ति मिलही अउ साल म एक ठन रिचार्ज कम कराना पड़ही।
ये प्लान म रोजाना 1.5GB डेटा, अनलिमिटेड वॉयस कॉलिंग अउ हर दिन 100 SMS के सुविधा मिलही। संग म 14.95 रुपिया के टॉकटाइम बैलेंस घलो दे जावत हे। डेटा खत्म होय के बाद इंटरनेट के स्पीड 64 Kbps हो जाही।
349 वाले प्लान ले कतका अलग हे? जियो के 349 वाला प्लान म 28 दिन बर 1.5GB डेटा मिलथे, फेर नवा 339 वाला प्लान पूरे महीना चलथे। एक बड़े अंतर ये हे कि 339 वाले प्लान म ‘अनलिमिटेड 5G’ डेटा के फायदा नई मिलही, जउन ह 349 वाले प्लान म मिलथे। अइसन म जे मन ला जादा इंटरनेट चाही ओ मन बर 349 वाला अउ सामान्य यूजर मन बर 339 वाला प्लान बढ़िया हे।
फ्री सब्सक्रिप्शन अउ कतको फायदा जियो ह ये प्लान के संग डिजिटल सुविधा मन के घलो बौछार कर दे हे। यूजर मन ला JioTV अउ JioAICloud के एक्सेस मिलही। सबले बड़ बात ये हे कि एखर संग Google Gemini Pro के 18 महीना के फ्री सब्सक्रिप्शन मिलही। एखर अलावा 5000GB (5TB) तक क्लाउड स्टोरेज के फायदा घलो यूजर मन उठा सकथें।
