झीरम कांड मा अंतिम सुनवाई पूरा, जानव कब आही फ़ैसला
जगदलपुर : झीरम घाटी कांड मामला मा NIA के विशेष अदालत मा चलत सुनवाई पूरा होगे हे। तीन दिन तक चले अंतिम बहस के बाद अदालत हा अपन फैसला ला सुरक्षित रख लेहे। अब ये मामला मा आउ वाले 31 अगस्त के फैसला सुनाए जाही।
मामला के अंतिम सुनवाई के बखत दोनों पक्ष हा अपन-अपन तर्क कोर्ट के आघू मा रखिन। NIA अऊ बचाव पक्ष के दलील सुने के बाद अदालत हा फैसला सुनाए के तारीख तय कर दीस हे।
10 आरोपी मन के खिलाफ चलत रीहिस सुनवाई
झीरम कांड के जांच राष्ट्रीय जांच एजेंसी (NIA) हा करे रीहिस। ए हमला मा 27 झन के मौत होगे रीहिस अऊ 35 झन घायल हुए रीहिन। मामला मा NIA हा 11 आरोपी मन ला गिरफ्तार करे रीहिस, जेमा ले एक ठन आरोपी के मौत हो चुके हे अऊ बाकी मन के खिलाफ कोर्ट मा सुनवाई चलत रीहिस।
25 मई 2013 के हुए रीहिस झीरम हमला
झीरम कांड 25 मई 2013 के बस्तर के झीरम घाटी मा हुए रीहिस। उही बखत कांग्रेस के परिवर्तन यात्रा निकलत रीहिस, तभे घात लगाके बैठे नक्सली मन हा हमला कर देन। ए हमला मा तत्कालीन प्रदेश कांग्रेस अध्यक्ष नंदकुमार पटेल, विद्याचरण शुक्ल अऊ महेंद्र कर्मा संग कतको बड़े नेता अऊ सुरक्षाकर्मी मन शहीद होगे रीहिन।
अब 13 साल के लंबा कानूनी लड़ाई के बाद, पीड़ित परिवार अऊ पूरा प्रदेश के नजर 31 अगस्त के आउ वाले फैसला ऊपर टिके हे।
