Janam Mrityu Praman Patra Online : छत्तीसगढ़ मा डिजिटल क्रांति : अब घर बैठे बनही जनम-मृत्यु के प्रमाण पत्र, जम्मो प्रक्रिया होगे ऑनलाइन

 Janam Mrityu Praman Patra Online : रायपुर | छत्तीसगढ़ के मनखे मन बर एक बड़े अउ सुखघर खबर आगू आई हे। अब राज्य मा जनम अउ मऊत (जन्म-मृत्यु) प्रमाण पत्र बनवाय बर कतको दफ्तर के चक्कर काटे के जरूरत नइ परय। सरकार ह ए जम्मो प्रक्रिया ल अब पूरी तरह ले ऑनलाइन कर दीस हे। अब जतका भी प्रमाण पत्र बनही, ओ मन सीधा ऑनलाइन पोर्टल के माध्यम ले ही जारी करे जाही।

Janam Mrityu Praman Patra Online : अक्टूबर 2023 के बाद जनम लेवइया लइका मन बर जरूरी नियम: नवा नियम के मुताबिक, अक्टूबर 2023 के बाद जे भी लइका मन जनम लेत हें, ओ मन बर ‘जनम प्रमाण पत्र’ (Birth Certificate) ही जनम के तारीख अउ पहिचान बर एकमात्र अउ सबसे बड़े सरकारी कागज (Document) माने जाही। स्कूल मा भरती होय ले लेके कोनो भी सरकारी काम बर ए डिजिटल सर्टिफिकेट ह ही काम आही। फेर, जऊन मनखे मन अक्टूबर 2023 ले पहिली जनम ले हें, ओ मन बर पुराना कागज मन घलो पहिली सही चलत रही। जऊन मनखे मन करा पहिली के ऑफलाइन प्रमाण पत्र हे, ओ मन ल घलो अब ऑनलाइन पोर्टल मा चढ़ा के डिजिटल बनाय जा सकत हे।

read more : Korba News : रेलवे के नोटिस ले हड़कंप : 250 परिवार मन के घर छिने के डर, सड़क म उतरीन मइनखे, मांगिन मुआवजा अउ ठउर

अधिकारी मन ल दे गे हे ट्रेनिंग: ए नवा डिजिटल व्यवस्था ल सुघर ढंग ले चलाय बर सरकार ह जम्मो रजिस्ट्रार अउ कर्मचारी मन ल ट्रेनिंग (प्रशिक्षण) दे हे। सुरु मा पोर्टल मा कुछ तकनीकी दिक्कत आवत रहीस, जेला अब सुधार लय गे हे। अब सहर ले लेके गाँव तक के मनखे मन ल ए सुविधा के लाभ आसानी ले मिलही। सरकार ह आधार कार्ड बनाय वाला एजेंसी मन ल घलो निर्देश दे हे कि ओ मन ए नवा व्यवस्था के हिसाब ले काम करंय ताकि लोगन मन ल सही समय मा सही कागज मिल सकय।