Jal Jeevan Mission : जल जीवन मिशन के काम म ढीला-ढाली करे बर 31 करोड़ के 37 ठेका रद्द, 19 ठेकेदार मन ल ब्लैकलिस्ट करे के तइयारी
Jal Jeevan Mission : कोंडागांव/रायपुर। छत्तीसगढ़ के कोंडागांव जिला म जल जीवन मिशन (Jal Jeevan Mission) के काम म लापरवाही अऊ घटिया किसम के गुणवत्ता देखे बर लोक स्वास्थ्य यांत्रिकी (PHE) विभाग ह बड़ कड़ा कदम उठा डारे हे। जिला जल अऊ स्वच्छता मिशन के मासिक समीक्षा बैठक म कलेक्टर कोंडागांव के साफ निर्देश के बाद, विभाग ह तुरते फरक से 19 लापरवाह ठेकेदार मन के जम्मो 37 काम ल रद्द कर देहे हे। ए रद्द करे गे काम मन के लागत करीबन 31.17 करोड़ रुपिया आँके गेहे।
Jal Jeevan Mission : PHE विभाग ह कभू नई सहय ढीला-ढाली
PHE विभाग के कार्यपालन अभियंता ह बताइन कि कतको ठेकेदार मन ह काम ल सुरूच नई करिन, अऊ जेन मन सुरू करिन घलो, ओ मन के प्रगति ह बहूते धीमा अऊ लचर रहिस। कतको जगा म पानी टंकी बनाए के, पानी सप्लाई देहे के अऊ बोर खनन के काम म भारी गड़बड़ी अऊ निकृष्टता के शिकायत मिलिस। ए सबो बड़े गलती मन ल देखत विभाग ह मजबूरी म ए कड़ा फैसला लेहे हे।
पैसा जब्त अऊ ठेका म रोक
खाली ठेका रद्द नई होए हे, ठेकेदार मन उपर जबरजस्ती पैइसा के दंड घलो लगाए गेहे।
ए ठेकेदार मन के करीबन 23.38 लाख के अमानत राशि ल तुरते जब्त कर लेहे गेहे।
एकर अलावा, ओ मन के जमा करे सुरक्षा निधि (Security Deposit) ल घलो सरकार ह जब्त करही।
सबले कड़ा फैसला ए हे कि, ए जम्मो 19 फर्म मन ल आगू आवन वाला ठेका (निविदा) म भाग लेहे बर स्थायी रूप से रोक (ब्लैकलिस्ट) लगाए के तइयारी ह सुरू हो गेहे।
विभाग ह अब ए रद्द काम मन ल जल्दी पूरा कराए बर नवा ठेका (निविदा) निकाले के प्रक्रिया घलो सुरू कर देहे हे, ताकि गाँव मन म समय म घर-घर पानी पहुंचाए के लक्ष्य पूरा हो सकय।
ये बड़े ठेकेदार मन उपर गिरिस गाज:
जिनके काम रद्द करे गे हे, ओमन म मेसर्स अदिती इन्फ्राबिल्ड, शैलेन्द्र सिंह भदौरिया म श्रीग कंस्ट्रक्शन, मेसर्स किसान बोरवेल्स, के. जी. एन. कंस्ट्रक्शन, मेसर्स आकार कंस्ट्रक्शन, महेश विदवानी, मेसर्स आधार कंस्ट्रक्शन, मेसर्स कृतिशा इनकॉर्पाेरेशन, मेरार्च ग्रीनवर्ल्ड सोलर वेयर्स प्रा.लि, जी आर डी बिल्डकॉन, मेसर्स आर.मी. डिलर्स, मेसर्स ब्रम्हेश कंस्ट्रक्शन, मेसर्स एम.डी. सर्विसेज, मेसर्स शुभम कंस्ट्रक्शन, मेसर्स बसंत कुमार साहू, मेसर्स वियाना इंफा टेलीकॉम, मेसर्स भारत इन्फा अऊ मेसर्स गोयल एजेंसी सामिल हें।
