ईरान-इजरायल जंग के असर अब गैस सप्लाई म: कमर्शियल सिलेंडर ऊपर रोक, अस्पताल अउ स्कूल मन ला छूट
Iran-Israel War : मध्यप्रदेश : ईरान अउ इजरायल के बीच छिड़े लड़ाई के आंच अब हमर रसोई तक पहुँचे बर धर लीस हे। तेल कंपनी मन ह कमर्शियल एलपीजी (LPG) सिलेंडर के डिलीवरी ऊपर रोक लगा दे हें। हालांकि, अभी कोनो बड़े किल्लत नइ हे, फेर आघू आवन वाला संकट ला देखत हुए सरकार ह ए बड़े फैसला लीस हे। ए रोक ले होटल, रेस्टोरेंट, मैरिज गार्डन अउ छोटे-बड़े उद्योग मन ऊपर भारी असर परी। राहत के बात ये हे कि अस्पताल अउ पढ़ाई-लिखाई वाले संस्था मन ला ए पाबंदी ले बाहिर रखे गे हे।
गैस के संकट ला देखत हुए मंत्रालय ह साफ कर दे हे कि दुनिया भर म मचे ए खलबली के सेती ईंधन के सप्लाई म बाधा आवत हे। एखर बर तेल रिफाइनरी मन ला जादा ले जादा गैस बनाय बर अउ ओला घरेलू उपयोग बर सुरक्षित रखे के आदेस दे गे हे।
मंत्रालय डहर ले जारी करे गे नियम:
घरेलू गैस ला पहिली प्राथमिकता: सरकार ह घर के चूल्हा बर गैस सप्लाई ला पहिली प्राथमिकता म रखे हे।
25 दिन के अंतर: सिलेंडर के जमाखोरी अउ कालाबाजारी ला रोके बर अब दू सिलेंडर के बुकिंग के बीच म 25 दिन के अंतर (Inter-booking period) राखना अनिवार्य कर दे गे हे।
खास कमेटी के गठन: रेस्टोरेंट, होटल अउ अउउोग मन ला गैस सप्लाई दे बर तेल कंपनी मन के तीन बड़े अधिकारी (ED) मन के एक कमेटी बनाय गे हे। ए कमेटी ह जांच-परख करे के बाद ही सप्लाई दे के फैसला करी।
जरूरी सेवा मन ला छूट: विदेश ले आवत गैस के पहिली हकदार अस्पताल अउ स्कूल-कॉलेज जइसन जरूरी संस्था मन ला बनाय गे हे।
