IPS Sundarraj P : रायपुर। छत्तीसगढ़ कैडर के सीनियर आईपीएस अधिकारी सुंदरराज पी ल राष्ट्रीय जांच एजेंसी (NIA) मां इंस्पेक्टर जनरल (IG) के पद पर तैनात करे गे है। ए संबंध मां केंद्रीय गृह मंत्रालय ह आदेश जारी करत हुए ओमन के नियुक्ति ला मंजूरी दे दे हे।

जारी आदेश के मुताबिक, साल 2003 बैच के आईपीएस अधिकारी सुंदरराज पी के नियुक्ति ह प्रतिनियुक्ति (Deputation) के आधार पर राष्ट्रीय जांच एजेंसी मां आईजी के पद पर करे गे हे। केंद्रीय गृह मंत्रालय ह छत्तीसगढ़ के मुख्य सचिव ला चिठ्ठी भेजके बिनती करे हे कि सुंदरराज पी ला तुरंते कार्यमुक्त (रिलीज) करे जाय, ताकि ओमन केंद्र मां अपन नवा जिम्मेदारी ला संभाल सकें।

बस्तर मां नक्सलवाद के खिलाफ अब्बड़ बड़े चेहरा रीहिन सुंदरराज पी

साल 2003 बैच के आईपीएस अधिकारी सुंदरराज पी ह अब्बड़ दिन तक बस्तर रेंज के आईजी रीहिन हे। ओमन ला छत्तीसगढ़ मां नक्सल विरोधी अभियान के सबले बड़े अउ प्रभावशाली अधिकारी मन मां गिने जाथे। ओमन के अगुवाई मां सुरक्षा बल ह बस्तर के कड़ा अउ नक्सल प्रभावित इलाका मन मां लगातार अभियान चलाईस, जेकर से माओवादी संगठन ला अब्बड़ बड़े नुकसान पहुँचे हे।

सुंदरराज पी के रणनीति सिरिफ बंदूक के लड़ाई तक नई रीहिस। ओमन ह खुफिया तंत्र ला मजबूत करे, स्थानीय जवान मन ला सुरक्षा अभियान से जोड़े, नवा सुरक्षा कैंप बनाए अउ सड़क-विकास के काम ला आगे बढ़ाए मां अब्बड़ जोर दिस। अबूझमाड़ जइसन इलाका मां सुरक्षा बल के पहुँच बढ़ाए मां घलो ओमन के बड़े हाथ रीहिस। ओमन के कार्यकाल मां अब्बड़ अकन नक्सली मन ह आत्मसमर्पण (सरेंडर) घलो करिन।