इंस्टाग्राम मा आइस नवा मजेदार फीचर: अब AI इफेक्ट ले बदल जाही आप मन के ‘वॉइस नोट’ के अंदाज
Instagram AI Voice Effects : सोशल मीडिया प्लेटफॉर्म इंस्टाग्राम (Instagram) ह अपन यूजर मन के अनुभव ला अउ मजेदार बनाय बर एक नवा AI Voice Effects फीचर लॉन्च कर दे हे। अब आप मन अपन वॉइस नोट्स (Voice Notes) ला साधारण आवाज मा भेजे के बजाय अलग-अलग मजेदार इफेक्ट्स के साथ भेज सकथो। ये फीचर भारत मा लाइव हो गे हे अउ यूजर मन एखर उपयोग अपन DM (Direct Message) मा कर सकथें।
का हे ये AI Voice Effects फीचर?
इंस्टाग्राम के ये नवा फीचर यूजर मन ला वॉइस नोट्स मा AI आधारित इफेक्ट्स जोड़े के सुविधा देथे। एखर मतलब ये हे कि अब आप मन के साधारण वॉइस मैसेज घलो क्रिएटिव बन जाही। यूजर अपन आवाज ला बदल के ओला अलग अंदाज मा भेज सकही, जेखर ले चैटिंग करे मा अउ जादा मजा आही। कंपनी ह लगातार अपन प्लेटफॉर्म मा AI फीचर्स जोड़त हे अउ ये ओखी दिशा मा एक नवा कदम आय।
मिलही 8 अलग-अलग वॉइस फिल्टर
ये फीचर के तहत यूजर मन ला कुल 8 तरह के वॉइस फिल्टर मिलही, जेखर ले आवाज ला पूरी तरह बदले जा सकथे। एमा शामिल हें:
चिपमंक, डेमन (राक्षस), एलियन, रोबोट, अंडरवाटर, स्टेडियम, वॉबल अउ फिशबोएल।
एखर मदद ले आवाज ला मजेदार, डरावना या कोनो अलग टोन मा बदले जा सकथे। अगर आप चाहो त ‘ऑरिजनल’ ऑप्शन मा क्लिक करके अपन असली आवाज मा घलो मैसेज भेज सकथो। खास बात ये हे कि जेला आप मैसेज भेजहौ, ओहा घलो देख सकही कि आप मन कउन सा फिल्टर उपयोग करे हव अउ ओहा खुद घलो ओला ट्राई कर सकही।
कइसे करव इस्तेमाल?
एखर इस्तेमाल करना बहुत आसान हे:
सबले पहिली इंस्टाग्राम खोल के कोनो भी DM चैट मा जाव।
वहां वॉइस नोट रिकॉर्ड बटन ला दबा के रिकॉर्डिंग शुरू करव।
रिकॉर्डिंग के बाद आप ला AI Voice Effects के ऑप्शन दिखही।
अपन पसंद के इफेक्ट ला चुनव अउ भेजे ले पहिली ओला सुन (Preview) घलो सकथो।
AI के दिशा मा बड़े कदम
रिपोर्ट के मुताबिक, इंस्टाग्राम जल्दी च ‘Create My Likeness’ नाम के एक AI फेस स्वैप फीचर घलो ला सकथे, जेखर ले यूजर मन AI के मदद ले फोटो अउ वीडियो बना सकही। एखर ले साफ हे कि आने वाला समय मा इंस्टाग्राम ऊपर AI के जादू अउ जादा दिखे बर मिलही।
