Indigo Flight Cancelled : बिलासपुर-दिल्ली के हवाई किराया असमान म….
Indigo Flight Cancelled : बिलासपुर। देश भर म इंडिगो एयरलाइन के जम्मो उड़ान मन के लगातार रद्द होए ले, अब छत्तीसगढ़ के हवाई जात्री मन घलो परेसानी झेलत हवंय। पायलट मन के कमी के कारण इंडिगो के कतकोन फ्लाइट, जेमा रायपुर एयरपोर्ट ले दिल्ली अउ दूसर रस्ता के उड़ान घलो सामिल हवय, कैंसिल कर दे गे हवय। एखर से जात्री मन ल अब सफर करे बर दूसर उपाय खोजे बर पड़त हवय।
Indigo Flight Cancelled : बिलासपुर रूट म बढ़िस दबाव अउ किराया
इंडिगो के सामान्य नो होए अउ ए संकट के सेती, रायपुर ले दिल्ली के उड़ान रद्द होए ले जात्री मन ह दूूसर विकल्प के रूप म बिलासपुर ले दिल्ली के बीच चलइया एलाइंस एयर कंपनी के फ्लाइट म टिकट बुक कराए हवंय। अचानक मांग बाढ़ गे के कारण बिलासपुर-दिल्ली सेक्टर म हवाई किराया ह अपन अधिकतम सीमा ल छू लिस हवय।
read more : UPSC CSE 2024 Result : छत्तीसगढ़ ल 3 झन नवा IAS मिलिन….
साधारण दिन मन म ए रूट म दिल्ली के किराया पाँच ले छै हजार रुपिया तक मिल जावत रहिस, फेर अब ए हा सबले जादा 8365 रुपिया तक पहुँच गे हवय। जीडीसीए के नियम के मुताबिक, एलायंस एयर ह ए रूट म 8365 रुपिया ले जादा किराया नई ले सकय। फेर ये महंगा होए के बाद घलो, रायपुर ले मिलइया टिकट मन ले सस्ता पड़त हवय, जेखर सेती विमान के जम्मो टिकट मन बिक गे हवंय।
अब हफ्ता म सिरिफ तीन दिन के उड़ान हवय फुल
बिलासपुर-दिल्ली-बिलासपुर रूट ह पहिली ले ही एलायंस एयर बर बढ़िया रद्दा रहिस हवय। फेर विंटर शेड्यूल के बाद बिलासपुर ले दिल्ली जावइया उड़ान मन ल हफ्ता म छै दिन ले घटाके सिरिफ तीन दिन (मंगलवार, बुधवार अउ गुरूवार) कर दे गे हवय। इंडिगो के फ्लाइट रद्द होए ले ए कम उड़ान मन म अउ जादा दबाव बाढ़ गे हवय। जेखर सेती, दिल्ली जावइया अउ दिल्ली ले बिलासपुर आवइया तीनों दिन के जम्मो टिकट मन पूरा बुक हो गे हवंय, जेखर से जात्री मन ल अभी तुरंत सफर करे बर मुश्किल होवत हवय।
