Indian Army मा ट्रेनिंग के बदल गे नियम, जानव 12वीं अऊ ग्रेजुएशन के बाद कब मिलही मौका

Indian Army : भारतीय सेना ह आर्मी कैडेट कॉलेज (ACC) एंट्री स्कीम के नियम मा बड़े बदलाव करे हे। अब ग्रेजुएट जवान मन ह पहिली के तुलना मा जल्दी ऑफिसर बन सकही। सेना ह ये फैसला अफसर मन के कमी ल दूर करे बर करे हे। नवा नियम के मुताबिक, ग्रेजुएट जवान मन ल अफसर बने बर अब चार साल के लंबी ट्रेनिंग नहीं करना पड़ही, बल्कि सिरिफ डेढ़ साल मा ओमन के ये सपना पूरा हो जाही। हालांकि, 12वीं पास जवान मन बर नियम मा कोनो बदलाव नहीं करे गे हे, ओमन ल चार साल के ही पूरी ट्रेनिंग करना पड़ही।

का रहिस पहिली के नियम
पहिली के नियम के मुताबिक, कोनो भी जवान ल ऑफिसर बने बर एसीसी (ACC) मा 4 साल के ट्रेनिंग करना अनिवार्य रहिस, चाहे ओहा 12वीं पास होय या ग्रेजुएट। देहरादून के एसीसी विंग मा 3 साल तक ग्रेजुएशन लेवल के पढ़ाई कराय जावत रहिस अऊ ओखर बाद इंडियन मिलिट्री एकेडमी (IMA) मा 1 साल के प्री-कमीशनिंग ट्रेनिंग होवत रहिस। एमा सबसे हैरानी के बात ये रहिस कि जउन जवान पहिली ले ग्रेजुएट रहिन, ओमन ल घलो फिर ले 3 साल वही पढ़ाई करना पड़त रहिस।

अब नवा नियम मा का होइस बदलाव

ग्रेजुएट जवान: अब ओमन बर 4 साल के ट्रेनिंग ल घटाके सिरिफ 1.5 साल कर दे गे हे।

पढ़ाई ले छूट: ग्रेजुएट जवान मन ल अब एसीसी मा 3 साल के पढ़ाई नहीं करना पड़ही, ओमन ल सीधा ट्रेनिंग दे जाही।

12वीं पास जवान: ओमन बर कोनो बदलाव नहीं हे, ओमन ल 4 साल के ही कोर्स पूरा करना होही।

अफसर मन के 8000 ले जादा पद खाली
सेना मा अभी अधिकारी मन के करीब 8000 ले जादा पद खाली हें। एखर सेती यूनिट्स के लीडरशिप मा असर पड़त रहिस। ए नवा नियम ले ग्रेजुएट जवान मन ल जल्दी तरक्की के मौका मिलही अऊ सेना मा अफसर मन के कमी घलो दूर होही।