Sarkari Yojana : सरकार देवत हे 5 लाख तक के बिना ब्याज के लोन; जानव कइसे उठाना हे ए योजना के लाभ
Sarkari Yojana : हमर देस अऊ प्रदेश के महिला मन ला अपन गोड़ म खड़ा करे बर सरकार ह एक बड़े मास्टर प्लान तैयार करे हे। अगर आप मन घलो अपन खुद के कोनो छोटा-मोटा काम-धंधा शुरू करना चाहत हो, अऊ पइसा के कमी आड़े आवत हे, त ‘लखपति दीदी योजना’ आप मन बर कोनो वरदान से कम नई हे। ए योजना के तहत सरकार के लक्ष्य हे कि 3 करोड़ महिला मन ला काम-बुता के ट्रेनिंग दे के उंकर सालाना आय ला कम से कम 1 लाख रुपया तक पहुँचाना हे।
Sarkari Yojana : का ए ‘लखपति दीदी’ योजना?
ए योजना खास तौर म उही महिला मन बर हे जेमन स्वयं सहायता समूह (SHG) म जुड़े हें। सरकार ह महिला मन ला सिरिफ व्यापार शुरू करे के ट्रेनिंग भर नई देवत हे, बल्कि उंकर सामान ला बाजार तक पहुँचाय म अऊ कम ब्याज (या बिना ब्याज) म लोन दियाय म घलो मदद करत हे। एमा ड्रोन चलाय से लेके सिलाई-कढ़ाई अऊ एलईडी बल्ब बनाय सहीं कतको तकनीकी काम सिखाया जावत हे।
योजना के बड़े लाभ:
बिना ब्याज के लोन: कतको राज्य म ए योजना के तहत महिला मन ला ₹1 लाख से ₹5 लाख तक के लोन बिना कोनो गारंटी अऊ बिना ब्याज के दियाय जावत हे।
मुफ्त ट्रेनिंग: बिजनेस कइसे चलाना हे, सामान ला कइसे बेचना हे अऊ मोबाइल ले लेनदेन कइसे करना हे, ए सब के ट्रेनिंग सरकार ह मुफ्त म देवत हे।
बीमा के सुविधा: योजना म जुड़े महिला मन ला कम पइसा म बीमा (Insurance) के सुविधा घलो मिलत हे।
कोन ला मिलही फायदा? (पात्रता)
महिला ला उही राज्य के निवासी होना चाही।
महिला के उमर 18 से 50 साल के बीच होना चाही।
सबले बड़े शर्त ये हे कि महिला ह कोनो न कोनो स्वयं सहायता समूह (Self Help Group) के सदस्य होना चाही।
आवेदन कइसे करबो?
ए योजना के फायदा उठाय बर आप मन अपन तीर-तखार के आंगनबाड़ी केंद्र या जनपद पंचायत (ब्लॉक ऑफिस) म जाके संपर्क कर सकत हो। एकर अलावा आप मन अपन स्वयं सहायता समूह के अध्यक्ष ले मिलके घलो फॉर्म भरे के प्रक्रिया ला पूरा कर सकत हो।
