Gol Bazar home delivery service : गोल बाजार अब होगे डिजिटल : घर बइठे मंगाव किराना ले लेके सबो प्रकार के समान….
Gol Bazar home delivery service : रायपुर। राजधानी रायपुर के लगभग 200 बछर पुरान अऊ इतिहासिक गोल बाजार ह अब जमाना के संग चलत हे। बाढ़त प्रतिस्पर्धा अऊ ग्राहक मन के सुविधा ल देखत हुए, गोल बाजार के व्यापारी मन होम डिलीवरी सेवा शुरू करे के बड़े फैसला लेहे हें।
Gol Bazar home delivery service : एकर ले ग्राहक मन ल जादा सुविधा मिलही, अऊ सहर के सबसे पुरान अऊ सस्ता बजार उपर ओ मन के बिस्वास बने रही। अब लोगन मन घर बइठे किराना, कपड़ा, पूजा के समान, जड़ी-बूटी, अऊ देसज (स्वदेशी) समान घलो आसानी ले मंगा सकहीं।
read more : Ditwah Cyclone : दितवाह तूफान असर ले बदल गे छत्तीसगढ़ के मौसम, 2 दिन ए इलाका म गिर सकत हे पानी…
ए बेवस्था के खास बात
कम ले कम खरीदी के बंधन नइ: जादातर समान म कम से कम कतेक खरीदना हे, अइसन कोनो नियम नइ रखे गे हे। मतलब, छोटे-छोटे समान घलो ऑर्डर करे जा सकत हे।
सब्बो चीज एक ही जघा: करीब 6 एकड़ म फइले अऊ 1000 दुकान वाला ये बाजार म जनम ले लेके बिहाव अऊ मरनी-हरनी के जम्मो ज़रूरी समान एक ही जघा मिल जाथे।
मिलइया समान: किराना, मसाला, कपड़ा, पूजा सामग्री, जड़ी-बूटी (जेन ए सहर म इहीं सबले जादा मिलथे), लोहा के बर्तन, मिठाई, पटाखा, अऊ हंडी पसरा, पर्रा, तिल्ली-मुर्रा लड्डू, पापड़ी जइसे देसज समान घलो मिलथे।
सुविधा बाढ़े के कारन
व्यापारी संगठन मन के कहना हे कि आजकल गोल बाजार म पार्किंग के समस्या, कम जघा, शौचालय के दिक्कत अऊ अतिक्रमण के कारन लोगन मन इहाँ कम आवत हें।
एकर सेती, ग्राहक मन ले अपन जुन्ना नाता ल बनाय रखे बर अऊ नवा-नवा बजार ले मुकाबला करे बर, मर्चेंट एसोसिएशन अऊ गोल बाजार व्यापारी संघ ह होम डिलीवरी के ये पहल करे हे।
