LPG के उत्पादन म 25 फीसदी के बढ़ोत्तरी, बुकिंग के ढाई दिन म मिलही सिलेंडर : पेट्रोलियम मंत्रालय
Gas Cylinder Delivery : नई दिल्ली। पश्चिम एशिया म चलत तनाव के बीच केंद्र सरकार के मंत्रालय मन ह बुधवार के एक साझा प्रेस कॉन्फ्रेंस करिन अउ लोगन के चिंता ला दूर करिन। ए दौरान पेट्रोलियम मंत्रालय के संयुक्त सचिव सुजाता शर्मा ह बताइन कि प्राथमिक क्षेत्र मन ला बिना ककरो कटौती के गैस के आपूर्ति करे जाही। ओमन कहिन कि गलत सूचना के सेती रसोई गैस सिलेंडर ला लेके हबड़ा-दबड़ा मचे हे, जबकि असलियत ये हे कि बुकिंग करे के ढाई दिन के भीतर सिलेंडर के डिलीवरी मिल जाही।
लोगन ले झन घबराए के अपील तेल उत्पादन कंपनी मन ला केंद्र सरकार ह 30,000 करोड़ रुपिया के मुआवजा देबय के घोसना करे हे। शर्मा ह बताइन कि दिल्ली म अभी 60 रुपिया के बढ़ोत्तरी के बाद LPG सिलेंडर के कीमत 913 रुपिया हे। ओमन LPG सिलेंडर के कमी के डर के बीच मनखे मन ले अपील करिन कि बुकिंग बर हड़बड़ी झन करय। वितरण व्यवस्था ला बढ़िया ले चलाय बर सरकार ह सिलेंडर बर ‘डिवरी कोड सिस्टम’ घलो लागू कर दे हे।
आपूर्ति म कोनो बाधा नई हे मंत्रालय के अधिकारी ह बताइन कि भारत म कच्चा तेल के आपूर्ति पूरी तरह सुरक्षित हे। हमर देश म रोज के खपत लगभग 55 लाख बैरल हे। ओमन बताइन कि आज के समय म तेल के खरीदी अलग-अलग जरिया ले होवत हे, जो होर्मुज जलडमरूमध्य ले आय वाली मात्रा ले जादा हे। भारत ह 40 ले जादा देश मन ले कच्चा तेल मंगाथे अउ लगभग 70 फीसदी तेल अइसन रस्ता ले आवत हे जेकर होर्मुज ले कोनो लेना-देना नई हे।
