गरीब महिला अउ नोनी मन बर खुशखबरी, सेफटेक इंस्टिट्यूट देवत हे फ्री कंप्यूटर ट्रेनिंग
Free Computer Training Raipur : रायपुर। छत्तीसगढ़ के राजधानी रायपुर म रहइया हमर बहिनी अउ नोनी मन बर एक ठन जबर खबर आगू आई हे। पंडरी के लोधीपारा म स्थित ‘सेफटेक इंस्टिट्यूट ग्रुप ऑफ एजुकेशन सोसायटी’ ह आर्थिक रूप ले कमजोर परिवार के महिला अउ युवतियां मन बर मुफ्त (नि:शुल्क) कंप्यूटर ट्रेनिंग के कार्यक्रम शुरू करे जावत हे।
एजुकेशन सोसायटी के अध्यक्ष कमलनारायण साहू ह बताईस कि अइसन महिला मन जेकर उम्र 18 ले 40 साल के बीच हे, ओ मन ए ट्रेनिंग के फायदा उठा सकत हें। आजकल के जमाना म बिना कंप्यूटर के काम-काज बहुत मुस्किल हे, ए बात ल धियान म रखके एक महीना के खास कोर्स तैयार करे गे हे।
पंजीयन (Registration) के जानकारी: ट्रेनिंग लेहे बर पहिली नांव लिखवाना जरूरी हे। पंजीयन के काम शुक्रवार, 13 फरवरी ले शुरू हो गे हे, जेकर आखिरी तारीख 20 फरवरी तक हे। अगर आप मन घलोक ए कोर्स ल करे बर चाहत हव, त संस्था के दफ्तर म जाके बिहनिया 11 बजे ले मंझनिया 2 बजे के बीच अपन नांव दर्ज करवा सकत हव।
ट्रेनिंग के समय: ए कंप्यूटर क्लास ह 20 फरवरी ले शुरू होही अउ 20 मार्च तक चलही। ए एक महीना के भीतर कंप्यूटर के जरूरी अउ बुनियादी जानकारी मन ल सिखाए जाही, ताकि हमर बहिनी मन घलोक आत्मनिर्भर बन सकें।
रायपुर के पंडरी इलाका के आसपास रहइया मन बर ए एक सुनहरा मौका हे। अगर आप मन आर्थिक तंगी के सेती कंप्यूटर नइ सीख पावत रेहेव, त जल्दी ले जल्दी सेफटेक इंस्टिट्यूट पहुँच के अपन सीट पक्का कर लव।
