ED के जांच मा बड़े खुलासा; नक्सल इलाका मा होवत रिहिस विदेशी पैसा के खेल, बस्तर अउ धमतरी मा खपाइस करोड़ों
ED Investigation : रायपुर। छत्तीसगढ़ के नक्सल प्रभावित इलाका मन मा विदेशी फंडिंग (पैसा) के इस्तेमाल ला लेके एक बड़ खुलासा होय हे। प्रवर्तन निदेशालय (ED) के जांच मा ये बात आगू आई हे कि अमेरिकी एजेंसी कोती ले जारी लगभग 6.5 करोड़ रूपया बस्तर अउ धमतरी जिला मा खपाए गे हे।
ये पूरा मामला मनी लॉन्ड्रिंग नेटवर्क के जांच के दौरान सोझा आईस। ED के मुताबिक, विदेशी बैंक के डेबिट कार्ड ले भारत मा बड़ पैमाना मा नगद (कैश) निकाले जावत रिस अउ ए पैसा के उपयोग संदेहास्पद काम मन मा करे जावत रिस। ए मामला मा कार्रवाई करत हुए मीका मार्क नाम के एक झन ला केम्पेगौड़ा अंतरराष्ट्रीय हवाई अड्डा (बेंगलुरु) ले गिरफ्तार करे गे हे। ओखर ले पूछताछ के आधार मा जांच ला आगू बढ़ाए जात हे।
देस भर मा होय रिस छापेमारी बता दन कि ED ह 18 अउ 19 अप्रैल के देस भर मा बड़े स्तर मा सर्च ऑपरेशन चलाय रिस। कतको राज्य मन के 6 ठिकाना मा छापेमारी करे गे रिस। ए दौरान जांच एजेंसी ला कई ठन जरूरी दस्तावेज अउ इलेक्ट्रॉनिक सबूत मिलिन। जांच मा ये मामला “The Timothy Initiative (TTI)” नाम के संस्था अउ ओखर ले जुड़े मनखे मन ले संबंधित पाय गे हे। ये संस्था ह ईसाई धर्म के प्रचार-प्रसार बर काम करथे।
कहाँ होइस फंड के इस्तेमाल, जांच जारी ED अभी ए पता लगाय मा जुटे हे कि विदेशी पैसा के इस्तेमाल अउ कोन-कोन काम मा करे गे हे अउ एखर असली मकसद का रिस। एजेंसी ह संकेत दीस हे कि आने वाला दिन मा ए मामला मा अउ बड़ खुलासा हो सकत हे।
