डीएसपी के बेटी ल मिलीस अपहरण अउ गैंगरेप के धमकी, चैट लीक होय के बाद 4 आरोपी गिरफ्तार
dsp daughter threat : कोंडागांव: छत्तीसगढ़ ले एक बड़े अउ चिंताजनक खबर आगू आए हे। इहाँ एक पुलिस अधिकारी (DSP) के बेटी अउ सोशल मीडिया कंटेंट क्रिएटर निवेदिता मंडावी ल अपहरण अउ गैंगरेप के धमकी देय गे हे। ये पूरा मामला के खुलासा तब होईस जब आरोपी मन के बीच होय चैटिंग के स्क्रीनशॉट बाहिर आईस। पुलिस ह तत्परता दिखावत ये मामला में चार आरोपी मन ल गिरफ्तार कर ले हे।
बताय जात हे कि निवेदिता मंडावी सोशल मीडिया में काफी सक्रिय हे अउ आदिवासी संस्कृति अउ परंपरा मन ल लेके वीडियो बनाथे। ओखर एही काम ले नाराज होके कुछ जुआं मन ह ओला निशाना बनाइन अउ ओखर अपहरण अउ गैंगरेप करे के साजिश रचे रिहिन। जब ये गंदा चैटिंग लीक होईस, तब मामला गरमागे।
पुलिस ह केशकाल थाना में एफआईआर दर्ज करके चारो आरोपी मन ल धर दबोचे हे। पुलिस अधिकारी विकास बघेल अउ कोंडागांव एएसपी कपिल चंद्रा ह बताइन कि आरोपियों के मोबाइल अउ डिजिटल साक्ष्य मन ल जब्त कर ले गे हे अउ जांच जारी हे। पुलिस ह साफ कहिस हे कि सोशल मीडिया के माध्यम ले कोनो भी अइसन आपराधिक साजिश ल बर्दाश्त नहीं करे जाय। फिलहाल पुलिस ह लोगन मन ले सतर्क रहे अउ अइसन संदिग्ध गतिविधि के जानकारी तुरंत देय के अपील करे हे।
