कड़ाके के जाड़ के बीच इहा झमाझम गिरत हे पानी
Delhi Weather Update : दिल्ली-एनसीआर मा आज सुकवार के बिहनिया मौसम ह अचानक करवट ले लिस। कड़ाके के जाड़ के बीच गुरुग्राम ले लेके नोएडा तक झमाझम पानी गिरिस। लोगन मन बहुते दिन ले पानी अगोवत रहिन ताकि प्रदूषण (AQI) मा सुधार हो सकय, अउ अब अइसने उम्मीद जागे हे।
Delhi Weather Update : मौसम विभाग (IMD) के कहना हे कि पानी गिरे के सेती हवा त साफ होही, पर ‘गलन’ अउ जाड़ ह अउ बढ़ जाही। उत्तर-पश्चिमी डाहर ले चलत ठंढा हवा मन ह कनकनी बढ़ा दे हे। बिहनिया 6 ले 7 बजे के बीच दिल्ली, नोएडा, गाजियाबाद अउ फरीदाबाद मा कहुं हल्का त कहुं मध्यम पानी गिरिस, जेखर ले ऑफिस जाय वारे मन ला थोकिन परेशानी घलो होइस।
आने वाले 3 दिन बर मौसम विभाग ह चेतावनी जारी करे हे कि तापमान 5 डिग्री तक गिर सकत हे अउ भारी कोहरा घलो छाए रही। लइका अउ सियान मन ला जाड़ ले बचे के सलाह दे गे हे।
