दिल्ली मा बवाल: तुर्कमान गेट छावनी मा तब्दील, मस्जिद तीर चले 32 बुलडोजर, पथराव के बाद कर्फ्यू जैसे हालात
नई दिल्ली। दिल्ली के ऐतिहासिक तुर्कमान गेट इलाका मा मंगलवार के आधी रात के भारी बवाल हो गे। फैज-ए-इलाही मस्जिद तीर जब नगर निगम (MCD) के 32 बुलडोजर ह अवैध कब्जा हटाए बर पहुंचीस, त ओला देख के कुछ मनखे मन उग्र हो गे अउ पुलिस ऊपर पथराव शुरू कर दीन। ए पथराव मा 5 पुलिस वाला मन घायल हो गे हें। मामला ल शांत करे बर पुलिस ल आंसू गैस के गोला घलो छोड़े बर पड़ीस।
गली-गली मा फोर्स, ड्रोन ले निगरानी अभी तुर्कमान गेट के इलाका ह पूरा छावनी बन गे हे। सबो दुकान अउ बाजार बंद हें। दिल्ली पुलिस के साथ-साथ रैपिड एक्शन फोर्स (RAF) अउ CRPF के जवान मन गली-गली मा गस्त देवत हें। पुलिस ह ड्रोन कैमरा ले ऊपर ले निगरानी रखत हे ताकि फेर ले कखरो हिम्मत झन होवय कानून ल हाथ मा ले के।
10 झन हिरासत मा, FIR दर्ज ए मामला मा पुलिस ह दंगा फसाद अउ सरकारी काम मा बाधा डाले के धारा मा FIR दर्ज करे हे। अभी तक 10 झन संदिग्ध मन ल हिरासत मा लेके पूछताछ करे जावत हे। पुलिस ह साफ कह दे हे कि सीसीटीवी फुटेज देख के पत्थरबाजी करे वाला मन ल खोज के कड़ा कार्रवाई करे जाही।
