DA Hike : IAS, IPS अउ IFS के महंगाई भत्ता 2% बाढ़ीस, अब मिलही 60% डीए
DA Hike : रायपुर: छत्तीसगढ़ सरकार ह अखिल भारतीय सेवा के अफसर मनला बड़ राहत देहे हे। राज्य सरकार ह आईएएस (IAS), आईपीएस (IPS) अउ आईएफएस (IFS) अफसर मन के महंगाई भत्ता (DA) मा 2 फीसदी के बढ़ोतरी कर देहे हे। अब ए बड़े अफसर मनला 58 फीसदी के जगह 60 फीसदी डीए मिलही।
ए बढ़ाए हुए महंगाई भत्ता ह 1 जनवरी 2026 से लागू माने जाही, जेकर फायदा अफसर मनला जून महीना के तनख्वाह (सैलरी) मा दिखही। सामान्य प्रशासन विभाग ह नवा रायपुर के मंत्रालय महानदी भवन से ए संबंध मा बकायदा आदेश घलो जारी कर देहे हे।
साढ़े चार लाख कर्मचारी मनला आदेश के अगोरा एक कोती जहाँ बड़े अफसर मन के डीए बाढ़ गे हे, ओतहे दूसर कोती राज्य के करीब साढ़े चार लाख अधिकारी अउ कर्मचारी मन अब घलो अपन डीए बढ़े के अगोरा (इंतजार) करत हें। कर्मचारी संगठन मन के कहना हे कि सरकार हर पइत कर्मचारी मन के डीए घोषणा मा देरी करथे, जेकर से ओमन ला आर्थिक नुकसान उठाना पड़थे। अफसर मन के डीए बढ़े के बाद अब कर्मचारी मन मा असंतोष अउ नाराजगी अउ बढ़ गे हे।
