राजनांदगांव 40 पार अउ रायपुर 39.4°C, परदेस भर में अंधड़-पानी के अलर्ट जारी…
Chhattisgarh Weather : रायपुर। छत्तीसगढ़ में अब घाम अपन रंग देखाना सुरू कर दे हे। मौसम विभाग के मुताबिक, अभी प्रदेश में मौसम सुखा हे अउ गरमी सामान्य ले जादा बढ़त हे। शुक्रवार के दिन राजनांदगांव में सबले जादा 40.5°C तापमान दर्ज करे गिस, जेकर ले मनखे मन हलाकान हो गे हें। प्रदेश के जादातर हिस्सा में पारा सामान्य ले 3 ले 5 डिग्री जादा चलत हे। आने वाला 24 घंटा में तापमान अइसने रही, कहूँ बड़े बदलाव के गुंजाइस नइ हे।
मौसम विभाग डहार ले मिले जानकारी के हिसाब ले, काली राजनांदगांव सबले जादा तपिस अउ अंबिकापुर सबले ठंडा (14.5°C) रहीस। राजधानी रायपुर में पारा 39.4°C अउ माना एयरपोर्ट में 39.0°C तक पहुँच गे रहीस। बिलासपुर में 39.0°C, पेंड्रा रोड में 37.2°C, जगदलपुर में 37.5°C अउ अंबिकापुर में 35.5°C तापमान दर्ज करे गे हे। पिछला 24 घंटा में प्रदेश में कहुँ पानी नइ गिरिस, मौसम पूरा सुखा रहीस।
रायपुर में आज यानी 14 मार्च के थोरकुन धुंध (हैज) छाए के संभावना हे। शहर के तापमान 39 डिग्री के आसपास अउ रात के पारा 22 डिग्री तक रह सकत हे।
मौसम विभाग ह आगाह करे हे कि अगले दो दिन के बाद प्रदेश के एक-दू ठन जगह में हल्का पानी गिर सकत हे। संग में 30 ले 40 किमी के रफ्तार ले तेज हवा चलही अउ गरजन-चमक के संग बिजली घलो गिर सकत हे।
