छत्तीसगढ़ में 10 ट्रेन रद्द, यात्रा ले पहिली देखव लिस्ट…
Chhattisgarh Train Cancelled News : बिलासपुर। हावड़ा-मुंबई मुख्य लाइन में बिलासपुर मंडल के झारसुगुड़ा सेक्शन में चौथी लाइन के काम के सेती रेलवे ह 10 ट्रेन मन ला रद्द कर दे हे। रेलवे ह बताए हे कि जांजगीर-नैला स्टेशन में सिग्नल अऊ चौथी लाइन के कनेक्टिविटी बर प्री-नॉन इंटरलॉकिंग के काम करे जाही, जेकर सेती यात्री गाड़ी मन के आवाजाही प्रभावित होही।
ए ट्रेन मन रहिही रद्द:
16 ले 27 अप्रैल तक बिलासपुर अऊ रायगढ़ ले चले वाला 68738/68737 बिलासपुर–रायगढ़ मेमू रद्द रहिही।
16 ले 27 अप्रैल तक रायगढ़-बिलासपुर मेमू (68735) अऊ 15 ले 26 अप्रैल तक बिलासपुर-रायगढ़ मेमू (68736) नई चलही।
15 ले 26 अप्रैल तक रायपुर-गेवरा रोड मेमू (68746) अऊ 16 ले 27 अप्रैल तक गेवरा रोड-रायपुर मेमू (68745) बंद रहिही।
15 ले 26 अप्रैल तक रायपुर-कोरबा पैसेंजर (58204) अऊ 16 ले 27 अप्रैल तक कोरबा-रायपुर पैसेंजर (58203) रद्द रहिही।
बिलासपुर-गेवरा रोड (68734/68733) अऊ बिलासपुर-कोरबा (68732/68731) मेमू घलो 16 ले 27 अप्रैल तक नई चलही।
11 ले 25 अप्रैल तक बिलासपुर-गेवरा रोड पैसेंजर (58210) रद्द रहिही।
रस्ते में रोके जाही ए गाड़ी मन:
गोंदिया-झारसुगुड़ा पैसेंजर (68861) ह 16 ले 27 अप्रैल तक बिलासपुर स्टेशन में ही रुक जाही, एहा बिलासपुर ले झारसुगुड़ा के बीच रद्द रहिही। ओसने झारसुगुड़ा-गोंदिया पैसेंजर (68862) ह झारसुगुड़ा के जगह बिलासपुर ले ही चलही।
यात्री मन बर सुबिधा:
यात्री मन के परेशानी ला देखत हुए कोरबा-रायपुर-कोरबा हसदेव एक्सप्रेस (18250/18249 अऊ 18252/18251) ला 16 ले 27 अप्रैल तक कोरबा ले बिलासपुर के बीच पैसेंजर बना के चलाए जाही।
