Chhattisgarh Sharab Ghotala : ED के दावा, राजीव भवन पहुंचत रिहिस 3000 हजार करोड़
Chhattisgarh Sharab Ghotala : रायपुर: छत्तीसगढ़ के बहुचर्चित शराब घोटाला मामला मा एक बड़ा अपडेट आघू आए हवे। प्रवर्तन निदेशालय (ED) के रायपुर जोनल कार्यालय ह बयान जारी करके बताए हवे कि कांग्रेस के पूर्व कोषाध्यक्ष रामगोपाल अग्रवाल ला प्रिवेंशन ऑफ मनी लॉन्ड्रिंग एक्ट (PMLA) के तहत गिरफ्तार करे गिस हवे। रामगोपाल अग्रवाल पहिले सेंट्रल जेल रायपुर मा बंद रिहिन, ओमन ला 11 अगस्त 2026 के गिरफ्तार करे गिस।
18 अगस्त तक ED कस्टडी मा रामगोपाल एखर बाद रामगोपाल अग्रवाल ला विशेष अदालत रायपुर मा पेश करे गिस, जिहां कोर्ट ह ओमन ला 18 अगस्त 2026 तक 7 दिन बर ED के हिरासत मा भेज दिस हवे। ED ह ए जांच ला EOW/ACB रायपुर मा दर्ज FIR अउ विशेष अदालत मा जमा करे गे चार्जशीट के आधार मा शुरू करे रिहिस। ए मामला मा साल 2019 ले 2023 के बीच आबकारी विभाग मा गड़बड़ी अउ भ्रष्टाचार के आरोप हवे।
सिंडिकेट ऊपर 3000 करोड़ रुपया के अवैध कमाई के आरोप ED के जांच मा खुलासा होए हवे कि पूर्व IAS अनिल टुटेजा, अनवर ढेबर अउ अरुणपति त्रिपाठी ले जुड़े एक सिंडिकेट ह राज्य के शराब कारोबार मा भारी गड़बड़ी करे रिहिस। जांच एजेंसी के मुताबिक, बिना हिसाब के देसी शराब बेचे, डिस्टिलरी ले कमीशन वसूले अउ लाइसेंस देवे के बदले लगभग 3,000 करोड़ रुपया के अवैध कमाई करे गिस।
कांग्रेस कार्यालय तक नगदी पहुंचे के दावा ED के जांच मा इहू आघू आए हवे कि ए कमाई के एक बड़े हिस्सा नगद रूप मा ओ समय के प्रदेश कांग्रेस कोषाध्यक्ष रामगोपाल अग्रवाल तक पहुंचाए गिस। बयान के मुताबिक, ए नगदी ह रामगोपाल अग्रवाल के निर्देश मा राजीव भवन (प्रदेश कांग्रेस कमेटी के दफ्तर) तक पहुंचाए जात रिहिस। रामगोपाल ला 4 घंव समन भेजे गिस रिहिस, फेर ओमन पेश नी होइन। फिलहाल मामला मा ED के आगे के जांच जारी हवे।
