राइस मिल मा लगिस भीषण आगी, लाखों के धान अउ बारदाना जर के राख; मचीस हड़कंप
Chhattisgarh Rice Mill Fire : राजिम (गरियाबंद)। गरियाबंद जिला के बोरिद गाँव के तीर स्थित ‘तिरुपति सम्पत्ति राइस मिल’ मा सुकवार के दिन भयानक आगी लग गे। आगी अतका तेजी ले फैलिस कि देखते-देखत मिल मा रखे लाखों के धान अउ खाली बारदाना मन जर के राख हो गे। ये घटना ले इलाका मा अफरा-तफरी मच गे रिहिस।
3 घंटा के मेहनत के बाद बुझिस आगी
घटना के जानकारी मिलत ले फिंगेश्वर पुलिस अउ दमकल (फायर ब्रिगेड) के टीम मउका मा पहुँचिन। करीब 3 घंटा तक कड़ी मेहनत करे के बाद आगी मा काबू पाय जा सकिस। दमकल के कर्मचारी मन ह पानी के बौछार मार के आगी ल अउ जादा फैले ले रोकिन, जेखर ले मिल के बाकी हिस्सा अउ बड़े नुकसान ल बचाय जा सकिस।
सॉर्ट सर्किट ले आगी लगे के आशंका
शुरुआती जाँच मा आगी लगे के कारन सॉर्ट सर्किट बताय जात हे। अनुमान हे कि ये आगी मा करीब 10 लाख रुपय के धान अउ बारदाना पूरी तरह ले परबाद हो गे हे। राइस मिल के मालिक ल भारी आर्थिक नुकसान पहुँचे हे। फिंगेश्वर पुलिस ह मामला दर्ज कर ले हे अउ आगी कइसन लगिस, एखर पूरा जाँच करत हे। समय रहत आगी बुझा ले पाय के सेती एक बड़े हादसा टल गे।
