Chhattisgarh Politics : सियासी घमासान : PM मोदी ले तुलना म भूपेश ह इनकार करिन, त OP चौधरी ह लगा दिन घोटाला मन के झड़ी…

Chhattisgarh Politics : रायपुर। छत्तीसगढ़ के राजनीति मा आजकल बात-बात मा खूब टकराव चलत हे। पूर्व मुख्यमंत्री भूपेश बघेल ह जब प्रधानमंत्री नरेंद्र मोदी ले अपन तुलना करे म ऐतराज जताइन अऊ कड़क बयान दीन, त अब वित्त मंत्री ओ.पी. चौधरी ह ओखर ऊपर सीधा पलटवार करे हें। ओ.पी. चौधरी ह भूपेश बघेल के कार्यकाल के बेरा के कथित घोटाला मन के जिगर करत कहिन कि पी.एम. मोदी ले ओखर तुलना हो ही नइ सकय।

Chhattisgarh Politics : मर जाहूँ, फेर मोदी नइ बनव : भूपेश के बयान

असल म ये बिवाद के सुरुआत पूर्व सी.एम. भूपेश बघेल के एक इंटरव्यू वीडियो ले होइस, जेला ओ ह सनिच्चर रात ल शेयर करिन। जब वीडियो मा ओखर राजनीतिक तरीका के तुलना पी.एम. मोदी के तरीका ले करे गिस, त बघेल ह साफ-साफ मना कर दीन। ओ ह कहिन, “मैं आप मन ले हाँथ जोर के माफी माँगत हँव। नरेंद्र मोदी जी जइसे मनखे ले आप मोर तुलना झन करव। मैं कभू झूठ बोलके राजनीति नइ करौं। मैं 10 घाव मरना पसंद करहूँ, फेर मोदी नइ बनना चाहूँ।

read more : Mekahara Hospital Raipur : रायपुर अम्बेडकर अस्पताल म जांच के व्यवस्था म बड़का बदलाव….

ओपी चौधरी के करारा जवाब: घोटाला मन के लंबी लिस्ट

पूर्व सी.एम. के ये बयान उपर तुरते जवाब देवत, वित्त मंत्री ओ.पी. चौधरी ह बघेल के कार्यकाल के सबो चूक अऊ घोटाला मन ल गिना डारिन। ओ ह सीधा भूपेश बघेल ल कहिन कि ओ ह एकदम सही कहत हें कि पी.एम. मोदी ले ओखर तुलना हो ही नइ सकय।

ओ.पी. चौधरी ह आरोप लगाइन:

• झूठा वादा: महतारी-बहिनी मन ल 500 दे के जइसे बड़े-बड़े वादा मा झूठ बोले हव।

• दारू म यू-टर्न: दारूबंदी के वादा करके, राज मा दारू घोटाला कर डारेव।

• जवान मन संग खेल: पी.एस.सी. मा माफियाराज चलाके छत्तीसगढ़ के जवान मन के सपना ल कुचरेव।

• घोटाल के अंबार: “आप ह धान, चाउर, गोबर… कोन चीज मा घोटाला नइ करेव?”

चौधरी ह ये घलो कहिन कि छत्तीसगढ़ के जनता ह हर चुनाव मा कांग्रेस ल बाहिर के रद्दा देखा दीन, फेर घलो ओ मन ल समझ नइ आवत हे। ओ ह पूर्व सी.एम. कोती ले पी.एम. मोदी बर उपयोग करे गे भासा ल देस के 140 करोड़ भारतीय मन के अपमान बताइन अऊ कहिन कि देस येला कभू माफ नइ करही।

ए किसम ले, पूर्व मुख्यमंत्री के निजी बयान उपर वित्त मंत्री के ये जवाबी हमला ह राज के राजनीतिक गर्मी ल अउ बाढ़ो डारे हे।