छत्तीसगढ़ वन विभाग म भर्ती : 1484 वनरक्षक पद बर व्यापमं लेही लिखित परीक्षा, जानव का हे ताजा अपडेट
Vyapam Exam Update : रायपुर। छत्तीसगढ़ वन विभाग म वनरक्षक (फारेस्ट गार्ड) के 1484 खाली पद मन म जल्दी ही सीधी भर्ती होही। एखर बर शारीरिक दक्षता परीक्षा (फिजिकल टेस्ट) के बाद पास होय अभ्यर्थी मन के लिस्ट छत्तीसगढ़ व्यावसायिक परीक्षा मंडल (व्यापमं) ला भेज दे गे हे। संग ही विभाग ह व्यापमं ले जल्दी लिखित परीक्षा कराय के घलो गोहार लगाय हे। बताय जावत हे कि भर्ती ले जुड़े सबो प्रशासनिक काम-काज पूरा कर ले गे हे।
बता दन कि वनरक्षक पद बर आवेदन 22 मई ले 11 जून 2023 के बीच मंगाय गे रहिस, जेखर बाद तारीख ला बढ़ा के 1 जुलाई 2024 करे गे रहिस।
जल्दी होही परीक्षा के तारीख के घोषणा जानकारी के मुताबिक, फिजिकल टेस्ट म सफल होय 16 हजार 762 अभ्यर्थी मन के सूची व्यापमं ला भेज दिय गे हे। अब लिखित परीक्षा के जिम्मा व्यापमं करा हे। विभाग ह व्यापमं ले कहे हे कि परीक्षा के तारीख जल्दी घोषित करे जाय ताकि भर्ती प्रक्रिया ला आगू बढ़ाय जा सके। शासन ह कहिथे कि ओमन युवा मन ला रोजगार दे बर अउ निष्पक्ष भर्ती बर प्रतिबद्ध हें।
युवा मन म हे भारी नाराजगी छत्तीसगढ़ म ये 1484 वनरक्षक भर्ती के प्रक्रिया ह लंबा समय ले अटके हे, जेखर सेती युवा मन म भारी गुस्सा देखे बर मिलत हे। लिखित परीक्षा के मांग ला लेके कतको लइका मन रायपुर म वन मंत्री के बंगला घलो पहुंचे रहिन। बता दन कि फिजिकल टेस्ट ह 16 ले 20 दिसंबर 2024 तक होय रहिस, जेखर बाद ले अभ्यर्थी मन लिखित परीक्षा के बाट जोहत हें। विभाग ह युवा मन ले धैर्य बनाये रखे के अपील करे हे।
