छत्तीसगढ़ : बोर्ड परीक्षा बर हेल्पलाइन सेवा सुरु, लइका मन के सब्बो समस्या के होही समाधान
Chhattisgarh Board Exam Helpline Number : रायपुर। बोर्ड परीक्षा मन के बढ़िया संचालन अऊ लइका मन के परेशानी दूर करे बर परीक्षा सुरु होय के पहिली ही हेल्पलाइन सेवा सुरु कर दे गे हे। ये हेल्पलाइन हाईस्कूल, हायर सेकेंडरी अऊ हायर सेकेंडरी व्यावसायिक परीक्षा देवइया लइका मन बर चलाय जावत हे।
हेल्पलाइन सेंटर ले लइका, मास्टर अऊ सियान (अभिभावक) मन अपन समस्या के समाधान बर गोठ-बात कर सकत हें। माध्यमिक शिक्षा मंडल कोति ले जारी टोल फ्री नंबर 1800-233-4363 मा बिहनिया 10:30 बजे ले संझा 5 बजे तक फोन करके मदद मांग सकत हें।
ये हेल्पलाइन मा रोज मनोचिकित्सक, मनोवैज्ञानिक, अऊ मंडल के बड़े अधिकारी मन मौजूद रहिहीं, जे मन परीक्षा के टेशन (तनाव), आगू बढ़े के तरीका अऊ पढ़ाई-लिखाई ले जुड़े समस्या मन ल दूर करिहीं। सबले बड़े बात ये हे कि ये सेवा अतवार (रविवार) के दिन घलो खुला रही। माशिमं ह लइका मन अऊ सियान मन ले अपील करे हे कि परीक्षा ले जुड़े कोनो भी दिक्कत होय मा हेल्पलाइन के फायदा उठावयं, ताकि लइका मन बिना कोनो डर अऊ टेशन के परीक्षा दे सकंय।
