Chhattisgarh Bandh : धर्मांतरण अउ हमला के विरोध म कल छत्तीसगढ़ बंद : सर्व समाज के हुंकार ल चैंबर ऑफ कॉमर्स घलो दिस समर्थन
Chhattisgarh Bandh : रायपुर। कांकेर जिला के आमाबेड़ा (बड़े तेवड़ा) म धर्मांतरण के विवाद अउ स्थानीय जनजाति समाज ऊपर होय हमला के विरोध म 24 दिसंबर के ‘छत्तीसगढ़ बंद’ के ऐलान करे गे हावय। ‘सर्व समाज छत्तीसगढ़’ डाहर ले बुलाए गे ए बंद ल प्रदेश के सबले बड़े व्यापारिक संगठन ‘छत्तीसगढ़ चैंबर ऑफ कॉमर्स एंड इंडस्ट्रीज’ ह घलो अपन पूरा समर्थन दे दे हावय।
Chhattisgarh Bandh : व्यापारी मन म भारी गुस्सा, किहिन- “धर्मांतरण ले शांति ल खतरा”
सोमवार के रायपुर म सतीश थौरानी के अध्यक्षता म जम्मों व्यापारिक संगठन मन के एक बड़े बैठक होइस। ए बैठक म आमाबेड़ा म होय हमला अउ परसासन के ढीला रवैया ऊपर व्यापारी मन ह भारी नाराजगी जाहिर करिन।
read more : CG SIR Update : छत्तीसगढ़ म आज जारी होही वोटर लिस्ट : घर बैठे अईसे चेक करो अपन नाम…..
श्रीचंद सुंदरानी (चैंबर संरक्षक): मन किहिन कि प्रदेश म धर्मांतरण के घटना मन बाढ़त जावत हे, जेखर ले शांति ल खतरा हावय। ए बंद के संदेस ‘कश्मीर ले कन्याकुमारी’ तक जाना चाही।
अजय भसीन (महामंत्री): मन जम्मों पदाधिकारी मन ल आमाबेड़ा म होय घटना के जानकारी दीन अउ एकजुट होय बर किहिन।
लाभचंद बाफना: मन किहिन कि ये बंद ह सिर्फ रायपुर तक सीमित झन रहे, बल्कि गांव-गांव के छोटे व्यापारी मन ल घलो एकर ले जोड़ना हे।
सड़क म उतरके होही प्रदर्शन
बैठक म ये फैसला ले गे हे कि 24 दिसंबर के सिर्फ दुकान मन ल बंद नई रखे जाही, बल्कि व्यापारी मन प्रमुख चौक-चौराह म उतर के अपन गुस्सा घलो जाहिर करही। भाटागांव व्यापारी संघ ह किहिस हे कि उमन ए मुद्दा म कलेक्टर ल ज्ञापन घलो सौंपही।
का-का रही बंद?
बंद के असर मुख्य रूप ले बजार, दुकान अउ व्यापारिक संस्थान मन म दिखही। हालांकि, व्यापारी मन ह किहिन हे कि कोसिस ये रही कि कच्चा माल अउ जरूरी चीज मन के नुकसान झन होवय, पर विरोध ह दमदार दिखना चाही। अस्पताल, दवाई दुकान अउ एम्बुलेंस जइसन जरूरी सेवा मन ल बंद ले छूट मिल सकथे।
