CGPSC AE भर्ती: आज हे आखरी तारीख, जल्दी कराव आवेदन
CGPSC AE Recruitment 2026 : रायपुर। छत्तीसगढ़ लोक सेवा आयोग (CGPSC) के स्टेट इंजीनियरिंग सेवा परीक्षा 2026 बर ऑनलाइन फार्म भरे के आज आखरी दिन हे। जतके भी उम्मीदवार हेवे, ओमन आज रात 11.59 बजे तक सीजीपीएससी के ऑफिशियल वेबसाइट में जाके ऑनलाइन आवेदन कर सकत हें।
ए परीक्षा के जरिया लोक निर्माण विभाग (PWD) अउ सामान्य प्रशासन विभाग (GAD) में कुल 46 पद ऊपर असिस्टेंट इंजीनियर (AE) मनके भरती करे जाही। पीडब्ल्यूडी में सिविल, इलेक्ट्रिकल अउ मेकेनिकल के पद हे, त उहें सामान्य प्रशासन विभाग में सिर्फ सिविल इंजिनियर मनके भरती होही। परीक्षा के संभावित तारीख 16 अगस्त तय करे गे हे।
गलती सुधारे बर मिलही दो दिन के समय
उम्मीदवार मन अपन फार्म में होय गड़बड़ी या गलती ला 12 जून ले 14 जून तक सुधार सकत हें। ए पद मन बर ओही उम्मीदवार आवेदन कर सकत हें, जेमन कोनो मान्यता प्राप्त यूनिवर्सिटी ले सिविल, मेकेनिकल या इलेक्ट्रिकल इंजीनियरिंग में बीई (BE) या बीटेक (B.Tech) करे हें। उम्मीदवार मनके चयन लिखित परीक्षा अउ इंटरव्यू के आधार पर करे जाही। लिखित परीक्षा में 150-150 नंबर के दो ठन बहुविकल्पीय (MCQ) पेपर होही।
कतका होना चाहिये उमर (Age Limit)
असिस्टेंट इंजीनियर पद बर उम्मीदवार के उमर 1 जनवरी 2026 के स्थिति में कम से कम 21 साल अउ जादा से जादा 30 साल होना चाहिये। छत्तीसगढ़ के स्थानीय निवासी मनला उमर में छूट मिले हे, ओमन बर अधिकतम उमर 40 साल हे। उहें आरक्षित वर्ग बर ए सीमा 45 साल तक रखे गे हे।
कतका मिलही सैलरी
चयनित होय वाले उम्मीदवार मनला 56,100 रुपिया ले लेके 1,77,500 रुपिया तक के बढ़िया वेतनमान (सैलरी) मिलही।
आवेदन फीस
छत्तीसगढ़ के एससी (SC), एसटी (ST), ओबीसी (OBC – NCL) अउ दिव्यांग उम्मीदवार मनबर 300 रुपिया फीस हे। उहें सामान्य वर्ग अउ दउर राज्य के उम्मीदवार मनबर 400 रुपिया फीस रखे गे हे। अगर फार्म में कोनो सुधार (Correction) करवाना हे, त ओकर बर अलग से 400 रुपिया फीस देना पड़ही।
कइसने करना हे आवेदन
सबले पहिली सीजीपीएससी के ऑफिशियल वेबसाइट ऊपर जाओ।
ओकर बाद ‘स्टेट इंजीनियरिंग सर्विस एग्जामिनेशन 2026’ वाले लिंक ला क्लिक कराव।
अपन ऑनलाइन रजिस्ट्रेशन के प्रोसेस ला पूरा कराव।
फार्म में मांगे गे सबो जानकारी ला ध्यान से भराव।
जरूरी दस्तावेज (Documents) ला अपलोड कराव।
ऑनलाइन माध्यम से आवेदन फीस पटाओ।
आखरी में फार्म ला सबमिट करके ओकर प्रिंटआउट ला अपन कना सुरक्षित रख लव।
