CGBSE Result 2026 : छत्तीसगढ़ बोर्ड 10वीं-12वीं के नतीजा आज, दोपहर 2:30 बजे आही रिजल्ट
रायपुर। छत्तीसगढ़ माध्यमिक शिक्षा मंडल (CGBSE) के हाईस्कूल अउ हायर सेकेंडरी मुख्य परीक्षा देय वाला लाखन लइका मन के लंबा इंतजार आज खतम होय वाला हे। बोर्ड ह आज मंझनिया 2:30 बजे 10वीं अउ 12वीं के परीक्षा परिणाम एक साथ जारी करही। ये नतीजा मन के घोषणा नवा रायपुर के मंत्रालय (महानदी भवन) म करे जाही।
पेपर लीक के सेती होइस देरी
ए साल बोर्ड परीक्षा ह 20 फरवरी ले शुरू होके 18 मार्च तक चले रिहिस। फेर, हिंदी के पेपर लीक होय के खबर के बाद 10 अप्रैल के दोबारा परीक्षा लेय बर परिस, जेकर सेती रिजल्ट निकाले म थोड़ा देरी हो गे। पहिली बोर्ड ह 15 अप्रैल तक रिजल्ट देय के सोचे रिहिस, फेर अब सबो तैयारी पूरा हो गे हे अउ आज रिजल्ट आ जाही।
5.66 लाख लइका मन के किस्मत के फैसला
ए साल छत्तीसगढ़ बोर्ड के परीक्षा म कुल 5 लाख 66 हजार ले ज्यादा लइका मन बइठे रिहिन:
-
10वीं कक्षा: कुल 3,20,535 लइका।
-
12वीं कक्षा: कुल 2,45,785 लइका। कॉलेज म दाखिला अउ अऊ आन परीक्षा मन बर लइका मन अपन मार्कशीट के अगोरा बहुत दिन ले करत रिहिन।
पिछला साल कइसन रिहिस रिजल्ट?
अगर साल 2025 के बात करबो, त 7 मई के रिजल्ट आय रिहिस जेमा:
-
10वीं म 68.76% लइका पास होय रिहिन।
-
12वीं म 82.25% लइका मन ह बाजी मारे रिहिन।
रिजल्ट कइसन देखिहव? (2 आसान तरीका)
1. वेबसाइट ले:
-
सबले पहिली cgbse.nic.in या results.cg.nic.in म जाव।
-
होमपेज म अपन कक्षा (10वीं या 12वीं) के लिंक ल क्लिक करव।
-
अपन रोल नंबर अउ कैप्चा कोड भरव।
-
रिजल्ट दिखे के बाद ओला डाउनलोड कर लव या प्रिंट निकाल लव।
2. मोबाइल SMS ले:
-
10वीं बर: मोबाइल म टाइप करव
CG10 <Space> रोल नंबरअउ ओला 56263 म भेज देव। -
12वीं बर: टाइप करव
CG12 <Space> रोल नंबरअउ ओला 56263 म भेज देव।
ये लिंक म घलो देख सकथव रिजल्ट:
