छत्तीसगढ़ म तापमान गिरे ले मिलिस राहत, आगू 5 दिन पानी अउ बिजली गिरे के संभावना
रायपुर। बिहार म पहुंचे के बाद अब मानसून के छत्तीसगढ़ आए के अगोरा हे। 2-3 दिन के भीतर एकर आए के संभावना हे, मौसम ह घलो अनुकूल बने हुए हे। केरल म पहुंचे के बाद ले मानसून 8 दिन म 17 राज्य म पहुंच चुके हे। मानसून के आए के पहिली च प्रदेश म मौसम के बदले मिजाज के असर देखे बर मिलत हे।
सुरुजवार के राजधानी रायपुर के तापमान 37.8 डिग्री दरज करे गिस। उहें सबले कम तापमान 22 डिग्री रहिस, जबकि 42 डिग्री के साथ राजनांदगांव सबले जादा गरम रहिस। रायपुर म दिनभर हल्का बादर छाए रहिस, फेर रात कुन बुंदाबांदी या पानी नई गिरिस।
मौसम विभाग के मुताबिक, दो-तीन दिन म मानसून छत्तीसगढ़ म आ जाही। ए कति दो दिन म छत्तीसगढ़ के जम्मो जिला म तीन ले चार डिग्री तापमान म कमी आई हे, जेकर से मनखे मन ला थोरिक राहत मिलिस हे। बस्तर म लगातार हल्का पानी गिरत हे जउन ह प्री-मानसून के इसारा हे। आगू के पांच दिन म प्रदेश के जादा तर हिस्सा म बने पानी गिरे के संग बिजली घलो गिरे के संभावना हे अउ हवा घलो 40 ले 50 किमी प्रति घंटा के रफतार ले चलही।
कतकोन जिला म अलर्ट जारी
प्रदेश के कुछू जिला म हल्का पानी अउ बिजली चमके के आशंका जताए गए हे। मौसम विभाग ह बिहनिया-बिहनिया सुकमा, बीजापुर अउ दक्खिन बस्तर दंतेवाड़ा म पानी गिरे अउ बादर गरजे-चमके ला लेके यलो अलर्ट जारी करे हे।
राजधानी रायपुर म आज कइसन रही मौसम ?
मौसम विभाग ह बताइस कि राजधानी रायपुर म सनिच्चर के गरजन-चमकन के संग हल्का पानी गिर सकत हे। उहें जादा ले जादा तापमान 38 अउ कम ले कम 27 डिग्री सेल्सियस रहे के अनुमान हे।
प्रमुख सहर मन के तापमान
-
राजनांदगांव: 42°C
-
दुर्ग: 39°C
-
बिलासपुर: 38°C
-
रायपुर: 37°C
-
पेंड्रारोड: 36°C
-
अंबिकापुर: 35°C
-
जगदलपुर: 32°C
