CG Weather Update : छत्तीसगढ़ म सीत लहर के चेतावनी 2 दिन म ठंड के रफ़्तार बढ़ही…

CG Weather Update : रायपुर. छत्तीसगढ़ म उत्तर डहर ले आवइया जाड़ अऊ सुक्खा हवा के चलते कम ले कम तापमान (न्यूनतम तापमान) म गिरवाट के आसरा हे। उत्तरी इलाका म बुध के रात ले जाड़ ह बाढ़े लगही। तापमान म गिरवाट के सिलसिला ह 28 नवंबर तक चलत रहिही। ए बेरा म पारा ह 2 ले 3 डिग्री सेल्सियस तक गिर सकत हे। ओकर बाद तापमान म बढ़ोतरी होवइया हे। ए गिरवाट के बेरा म सहर के तापमान घलो सामान्य ले कम हो जाही।

CG Weather Update : परदेस म आवइया हवा के दिसा म बदलाव हो सकत हे। एकर असर म एक घांव फेर जाड़ के वापसी होए के आसा हे।

READ MORE : iQOO 15 : आज होही लॉन्च नवा धाकड़ फोन, ए 5 फीचर मन कर दिही जम्मो झन ल क्लीन बोल्ड…

मौसम बिभाग के हिसाब ले, पीछला 24 घंटा के भीतरी म परदेस म सबले जादा ठंडा अंबिकापुर रहिस, जहाँ 8.5 डिग्री सेल्सियस तापमान रिकार्ड करे गे हे। ओहीच सबले जादा तापमान दुर्ग म 31.8 डिग्री सेल्सियस दर्ज करे गे हे। दू दिन के बाद मौसम सुक्खा रहिही। संग म उत्तरी छत्तीसगढ़ म आज सीत लहर (Cold Wave) के चेतवानी जारी करे गे हे।

मौसम बिग्यानी एचपी चंद्रा ह परदेस के मौसम के हाल बताइस। ओहा बताइस कि परदेस म न्यूनतम तापमान म गिरही। ए ह 27-28 नवंबर तक चलत रहिही। एकर कारन उत्तर डहर ले आवइया जाड़ अऊ सुक्खा हवा के आगमन हे। 28 नवंबर के बाद तापमान म बाढ़ सकत हे।