छत्तीसगढ़ म 1654 मास्टर मन के पद म निकलिस भरती, जानव विषयवार जगा अउ परिक्षा के तारीख
CG Teacher Recruitment 2026 : रायपुर। छत्तीसगढ़ म सरकारी मास्टर बने के सपना देखत जुवा मन बर बड़े अउ खुसी के खरबर आगू आई हवे। राज सरकार के स्कूल शिक्षा बिभाग ह सरकारी स्कूल मन म खाली परे जगह ला भरे बर 1654 मास्टर मन के भरती बर सरकारी बिज्ञापन जारी कर दे हवे। लोक शिक्षण संचालनालय (डीपीआई) कोती ले जारी ए सूचना के तहत ई अउ टी संवर्ग के स्कूल मन म अलग-अलग बिसय मन बर भरती करे जाही।
बिभाग कोती ले दिए जानकारी के मुताबिक, मास्टर भरती के परिक्षा के तारीख घलो तय कर दे गे हवे। ए परिक्षा 25 अक्टूबर 2026 के ले जाही। भरती के पूरा काम ऑनलाइन के माध्यम ले होही। इच्छुक अउ योग्ग लईका मन छत्तीसगढ़ कर्मचारी चयन मंडल (सीजी व्यापम) के सरकारी वेबसाइट म जाके अरजी जमा कर सकही। अरजी भरे के सुरुआती अउ आखिरी तारीख, अउ परवेस पत्र (एडमिट कार्ड) ले जुड़े जानकारी घलो व्यापम ह हालीच अपन पोर्टल म जारी करही।
6 बिसय म होही भरती, अंगरेजी म सबले जादा जगह
ए भरती अभियान ले कुल छे बिसय मन बर मास्टर मन के जगा भरे जाही। एमा सबले जादा 504 पद अंगरेजी बिसय बर रखे गे हवे। बिसय के हिसाब ले खाली पद के बिबरन ए तरह हवे:
-
अंगरेजी: 504 पद
-
संस्कृत: 300 पद
-
हिन्दी: 250 पद
-
गणित: 250 पद
-
सामाजिक बिज्ञान: 250 पद
-
कृषि: 100 पद
छत्तीसगढ़ म लंबे समय ले मास्टर भरती के अगोरा करत जुवा मन बर ए हा एक बड़े मौका हवे। 1654 पद म भरती होए ले प्रदेश के सरकारी स्कूल मन म मास्टर मन के कमी दूर होही अउ पढ़ाई-लिखाई के ब्यवस्था अउ मजबूत होही।
