स्कूल शिक्षा विभाग के बड़े फैसला : 15 अगस्त तक जम्मो प्रमोशन पूरा करे के आदेश जारी
CG Teacher Promotion 2026 : रायपुर : छत्तीसगढ़ के स्कूल शिक्षा विभाग कोति ले एक बड़ खबर आगू आई है। विभाग मा लंबा समय ले अटके पदोन्नति (प्रमोशन) के काम ला अब तय समय भितरी पूरा करे बर कड़ा निर्देश जारी करे गे है। लोक शिक्षण संचालनालय (DPI) ह जम्मो संभाग के संयुक्त संचालक (Joint Directors) अउ जिला शिक्षा अधिकारी (DEOs) मन ला साफ-साफ कहि दिहे है कि 15 अगस्त तक हर हाल मा जम्मो पात्र कर्मचारी अउ अधिकारी मन के प्रमोशन के आदेश जारी हो जाना चाही।
DPI कोति ले जारी निर्देश के मुताबिक, ये संवर्ग मन के पदोन्नति होही:
शिक्षकीय संवर्ग (गुरूजी अउ शिक्षक मन)
प्रशासनिक पद
लिपिकीय अउ अलिपिकीय संवर्ग (बाबू अउ बाकी स्टाफ)
बड़े तैयारी: सिनीयरिटी लिस्ट पहिली च आ गे हे
पदोन्नति के बूता ला बिना ककरो संसो-बैन के अउ साफ-सुथरा ढंग ले पूरा करे बर विभाग ह 1 अप्रैल के इसथिति के आधार मा अंतरिम वरिष्ठता सूची (Seniority List) पहिली च जारी कर डरे हे। अब बस आखिरी फैसला लेके प्रमोशन लेटर जारी करे के काम बाचे हे, जेकर बर अधिकारी मन ला तेजी ले भिड़े बर कहे गे हे।
ढीला-ढाली करे मा खैर नई, रेगुलर होही जांच
सरकार ह साफ कहि दिहे है कि ये बार समय के पालन बहुत कड़ाई ले करे जाही। कोनो भी दफ्तर मा काम ला अटकाए या लेट-लतीफ करे के छूट नई रही। काम कतका आगू बढ़िस, एला देखे बर बड़े अधिकारी मन लगातार निगरानी (मॉनिटरिंग) रखिहीं।
का होही फायदा?
शिक्षा विभाग के मानना है कि कतको बछर ले रूके प्रमोशन पूरा होय ले कर्मचारी अउ अधिकारी मन के उत्साह बाढ़ही। एकर संग च, स्कूल मन मा खाली पड़े पद मन मा सही समय मा पोस्टिंग होय ले लइका मन के पढ़ाई-लिखाई अउ सरकारी कामकाज अउ जादा सुग्घर ढंग ले चलही।
