छत्तीसगढ़ पुलिस के 222 जवान मन ल मिलही सम्मान

छत्तीसगढ़ के सुरखछा व्यवस्था मं महत्तम योगदान देय वाले पुलिस बल बर आज बड़ा गौरव के दिन आय। भारत सरकार के गृह मंत्रालय दू साल मं एक बेर देय जाय वाला ‘गृह मंत्री दक्षता पदक’ बर नाम के घोषणा करत, छत्तीसगढ़ के 222 पुलिस जवान मन ला चयनित करे हवय।

एमा IPS अधिकारी ले लेकर थानेदार, हैड कांस्टेबल, आरक्षक तक के जवान मन शामिल हवंय। इही ले पता चलथे के राज्य के हर स्तर के सुरक्षा बल अपन-अपन जिम्मेदारी ला पूरा निष्ठा अऊ काबिलियत ले निभावत हवय।

17 IPS के नाम चमकिस

सूची मं छत्तीसगढ़ के 17 महत्वपूर्ण IPS अधिकारी मन घलो शामिल हवंय। ये अधिकारी मन अपराध नियंत्रण, नक्सल विरोधी अभियान, संवेदनशील इलाका मं कानून-व्यवस्था बनाय रखे, संग-साथ फॉरेंसिक अऊ तकनीकी जांच मं लेके खास योगदान दे हवंय।

इन मन के काम ले नक्सली इलाका मं शांति बहाल करे मं मदद मिलत हवय, अऊ शहर-गाँव मं आम नागरिक मन सुरक्षित महसूस करथें।

काहां-काहां के जवान मिलही सम्मान?

जोन जानकारी मिलीस ओकर अनुसार, सम्मानित होइयइयावाला जवान मन राजनांदगांव, दंतेवाड़ा, जगदलपुर, कोरबा, बिलासपुर अऊ राजधानी रायपुर के इलाका ले हवंय।

इन मन अपराधी गिरोह पकड़े, गंभीर अपराध के राजफाश करे, पीड़ित मन बर न्याय लेय के अभियान मं खास पहचान बनाये हवंय।

एही कारन ये पदक पूरे पुलिस विभाग बर प्रेरणा बनथे।

राज्य पुलिस के मनोबल मं बढ़ोतरी

ये सम्मान ले छत्तीसगढ़ पुलिस के छवि अउ चमकइय्या होही। जवान मन के काम ऊपर राष्ट्रीय स्तर मं मुहर लगथे।

अब पुलिस जवान मन के उत्साह अउ बढ़ जाही अऊ ये मन नवा जोश-उम्मीद ले सेवा करत रहिंहीं।

छत्तीसगढ़ पुलिस के जम्मो सम्मानित अधिकारी अऊ जवान मन ला हमर तरफ ले घलो ढेर सारा बधाई अऊ जय जोहार। 👏🇮🇳