CG Labor Lynched in Kerala : केरल म नफरत के भेंट चढ़ गे छत्तीसगढ़ के बेटा, अब सरकार ह दिही 30 लाख के मुआवजा

CG Labor Lynched in Kerala : सक्ती। मजदूरी के खोज म केरल गे छत्तीसगढ़ के एक झन सीधा-साधा मजदूर ह नफरत के बलि चढ़ गे। सक्ती जिला के रहने वाला 31 साल के रामनारायण बघेल ला केरल के पलक्कड़ म भीड़ ह ‘बांग्लादेशी’ समझ के एतका मारिस कि ओखर जान चल गे। ए घटना के बाद पूरा छत्तीसगढ़ म गुस्सा हे अउ अब केरल सरकार ह पीड़ित परिवार ला 30 लाख रूपया मुआवजा देय के घोषणा करे हे।

CG Labor Lynched in Kerala : काम खोजे बर गे रिहिस, मिलीस त सिर्फ मौत
सक्ती जिला के करही गांव के रहे वाला रामनारायण ह हफ्ता भर पहिली ही काम-बुता खोजे बर केरल गे रिहिस। 17 दिसंबर के मंझनिया जब ओ ह पलक्कड़ के वालैयार इलाका म काम खोजत रिहिस, तभे कुछु मनखे मन ओला घेर लीन। भीड़ ह ओला बांग्लादेशी होय के शक म लात-मुक्का ले मारना शुरू कर दीन। बेचारा रामनारायण ह चिल्लावत रहिस, पर कोनो ओखर बात नई सुनिन।

read more : CBI Raid in Bijapur : बीजापुर म CBI के बड़का छापा : होटल म रिश्वत लेवत धराइन डाक विभाग के 4 अधिकारी, SDI घलो आइस लपेट म

आधार कार्ड ले होइस पहचान
पुलिस ह बताइस कि भीड़ ह ओला एतका बेरहमी ले मारिस कि ओखर छाती ले खून बहत रिहिस अउ पूरा शरीर म घाव हो गे रिहिस। जादा दरद अउ चोट के सेती ओखर मउका म ही मौत हो गे। जब पुलिस ह ओखर तलाशी लीस, त ओखर आधार कार्ड ले पता चलिस कि ओ ह छत्तीसगढ़ के रहने वाला आय। बुधवार के सक्ती म रामनारायण के अंतिम संस्कार कर दे गे हे, पूरा गांव म सन्नाटा पसर गे हे।

राजनीति घलो गरमाइस
ए मामला म केरल के मंत्री एमबी राजेश ह बताइस कि पकड़े गे 7 आरोपी म ले 4 झन आरएसएस (RSS) ले जुड़े हें। ओमन एला नफरत के राजनीति के नतीजा बताइन। दूसर कोती, कांग्रेस ह मांग करे हे कि आरोपी मन ला कड़ी सजा दे जाय अउ परिवार ला 1 करोड़ के मुआवजा मिले।

अब तक का होइस कार्रवाई?
केरल पुलिस ह अभी तक 7 झन ला गिरफ्तार करे हे। पुलिस के कहना हे कि हमला करे म 15 झन सामिल रिहिन, एमा कुछु महिला मन घलो रिहिन। पुलिस ह धारा 103 (1) के तहत हत्या के मामला दर्ज कर के जांच करत हे।