CG Big News : प्रशासन के बड़े कार्रवाई ले मचगे हड़कंप, छग म 32 प्राइवेट स्कूल मन के मान्यता रद्द…..

CG Big News : सूरजपुर। छत्तीसगढ़ के सूरजपुर ज़िला म एक ठन मासूम लइका ल होमवर्क नई करे के कारण रस्सी म पेड़ म लटकाए के घटना के बाद, ज़िला प्रशासन ह बड़का एक्शन ले हे। ज़िला शिक्षा अधिकारी ह, तय नियम मन के पालन नई करे वाला 32 ठन प्राइवेट स्कूल मन के मान्यता ल रद्द कर दे हे। जाँच म पाए गे हवय के, ए सब्बो स्कूल मन खुद के मैदान म संचालित नई होवत रहिन।

CG Big News : ओती, लइका ल पेड़ म लटकाए के मामला म, हंस वाहिनी विद्या मंदिर स्कूल नारायणपुर के टीचर काजल साहू ल बरख़ास्त कर दे गे हवय। स्कूल मन के मान्यता रद्द करे के आदेश के बाद प्राइवेट स्कूल चलाइया मन म हड़कंप मच गे हवय। संयुक्त कलेक्टर पुष्पेंद्र शर्मा ह कहे हे के, “सुरक्षा म कोनो समझौता बरदास्त नई करे जाही। अइसन स्कूल मन के सख्‍त जाँच होही।”

बता दन के, हंस वाहिनी विद्या मंदिर स्कूल नारायणपुर, आमापारा म होमवर्क नई करे के कारण, नर्सरी के मासूम लइका ल टीचर ह अमानवीय तरीका ले सज़ा दे रहिस। ए घटना के वीडियो ह सोशल मीडिया म तेजी से वायरल होवत हवय। वीडियो म लइका ह टी-शर्ट के सहारा ले पेड़ म लटके दिखत हवय, जबकि ओकर नीचे म सिर्फ़ अंडरवीयर पहिरे हवय। ए घटना के बाद पालक मन म भारी गुस्सा हे। ओ मन दोषी शिक्षक ऊपर तुरते कार्रवाई के मांग करे रहिन।

लल्लूराम डॉट कॉम ले बात-चीत म स्कूली लइका मन बताए रहिन के, मैडम ह कुआँ म घलो लटकाए के सज़ा देवत रहिस। सोंचो, आज के ज़माना म कोनो टीचर ह अइसन तालिबानी सज़ा कइसे दे सकत हे। ओती, घटना के वीडियो वायरल होए के बाद, ज़िला शिक्षा अधिकारी ह तुरते शिक्षा बिभाग के अधिकारी ल घटना वाली जगह म भेजे रहिस। विकासखंड शिक्षा अधिकारी ह मामला के जाँच के बाद, ऊँच अधिकारी ल जाँच रिपोरट भेजे रहिस। मामला के जाँच के बाद दोषी टीचर काजल साहू ल बरख़ास्त कर दे गे हवय।