सावधान! मार्च म 18 दिन बंद रही बैंक: होली अऊ रामनवमी के सेती छुट्टी के लंबा लिस्ट, देख लव तारीख मन ला
Bank Holidays March 2026 : अगर तुमन ला बैंक के कोनो जरूरी काम निपटाना हे, त ए हप्ता जल्दी कर लव। मार्च 2026 के महीना छुट्टी के सौगात लेके आवत हे, जेखर सेती छत्तीसगढ़ समेत अलग-अलग राज्य मन म बैंक कुल 18 दिन बंद रही। भारतीय रिजर्व बैंक (RBI) ह कैलेंडर जारी कर दे हे, एमा इतवार अऊ सनिच्चर के संग होली, ईद अऊ रामनवमी जइसन बड़े तिहार सामिल हें।
मार्च 2026: कबे-कबे बंद रही बैंक?
आने वाला महीना म 5 ठन इतवार अऊ 2 ठन सनिच्चर के छुट्टी के अलावा, 11 दिन तिहार मन के सेती काम-काज ठप रही। ए दे प्रमुख छुट्टी मन के लिस्ट:
| तारीख | छुट्टी के कारन | कहाँ बंद रही |
| 1 मार्च | इतवार | जम्मो जगह |
| 2 मार्च | होलिका दहन | उत्तर प्रदेश |
| 3 मार्च | होली | 15 राज्य म |
| 8 मार्च | इतवार | जम्मो जगह |
| 14 मार्च | दूसरा सनिच्चर | जम्मो जगह |
| 15 मार्च | इतवार | जम्मो जगह |
| 19 मार्च | गुड़ी पड़वा/नवरात्र | 11 राज्य म |
| 20 मार्च | ईद-उल-फितर | 5 राज्य म |
| 21 मार्च | रमजान ईद/सरहुल | जम्मो जगह (छत्तीसगढ़ म घलो) |
| 22 मार्च | इतवार | जम्मो जगह |
| 26 मार्च | श्री रामनवमी | 13 राज्य म |
| 27 मार्च | श्री रामनवमी | 6 राज्य म |
| 28 मार्च | चौथा सनिच्चर | जम्मो जगह |
| 29 मार्च | इतवार | जम्मो जगह |
| 31 मार्च | श्री महावीर जयंती | 15 राज्य म |
डिजिटल सेवा मन ले काम होही आसान
भले बैंक के दरवाजा बंद रही, फेर फिकर करे के बात नई हे। तुमन Online Banking, Mobile App अऊ ATM के मदद ले 24 घंटा लेनदेन कर सकहू। घर बैठे पैसा भेजे बर या बिल जमा करे बर डिजिटल माध्यम चालू रही। फेर चेक क्लियरेंस अऊ जादा नगद निकाले बर तुमन ला बैंक खुले के अगोरा (इंतजार) करे बर परही।
शेयर बाजार म घलो 12 दिन नई होही कारोबार
बैंक के संग-संग शेयर बाजार (Stock Market) घलो मार्च म कतको दिन शांत रही। कुल 12 दिन ट्रेडिंग बंद रही, जेमा 9 दिन सनिच्चर-इतवार के छुट्टी हे अऊ 3 दिन (3 मार्च, 26 मार्च अऊ 31 मार्च) तिहार मन के सेती छुट्टी रही।
