Car Bike Price Hike April 2026 : अप्रैल ले महंगा हो जाही कार, टीवी अउ एसी; जानव काबर बढ़त हे दाम

Car Bike Price Hike April 2026 : नवा वित्तीय वर्ष के शुरू होत ही आम जनता ला महंगाई के बड़े झटका लगे वाला हे। 1 अप्रैल 2026 ले आप मन के जरूरत के कई ठन सामान मन के दाम बढ़ सकथे। ए लिस्ट मा कार, मोटर साइकिल, टीवी, फ्रिज अउ एयर कंडीशनर (AC) जइसन चीज मन शामिल हें। खबर हे कि ये सब सामान मन के कीमत मा 5 ले 6 प्रतिशत तक के बढ़ोत्तरी हो सकथे।

काबर बढ़त हे सामान मन के दाम? कंपनियों के कहना हे कि सामान बनाय बर जउन कच्चा माल (Raw Material) लगथे, ओखर दाम मा भारी तेजी आय हे। प्लास्टिक, रेजिन अउ पॉलिमर जइसन चीज मन महंगे हो गे हें, जेखर उपयोग इलेक्ट्रॉनिक अउ ऑटोमोबाइल सेक्टर मा जादा होथे। एखर अलावा, अंतरराष्ट्रीय स्तर मा माल ढुलाई (Transport & Shipping) के खरचा घलो 7 ले 10 प्रतिशत तक बढ़ गे हे। जब कंपनी मन ला सामान बनाय अउ बाजार तक पहुँचाय मा जादा पइसा खरच करे बर पड़थे, त ओ मन एखर बोझ ग्राहक मन के जेब ऊपर डाल देथें।

कार अउ लग्जरी गाड़ी मन होही महंगा रिपोर्ट के मुताबिक, कई ठन कार कंपनी मन अपन गाड़ी के दाम 2 ले 3 प्रतिशत तक बढ़ाय के तैयारी मा हें। मर्सिडीज-बेंज (Mercedes-Benz) अउ ऑडी (Audi) जइसन लग्जरी कंपनी मन त ओखर घोषणा घलो कर दे हें कि 1 अप्रैल ले उंखर गाड़ी मन के दाम 2 प्रतिशत तक बढ़ जाही। आम आदमी के उपयोग वाला कार अउ टू-व्हीलर कंपनी मन घलो अपन नवा रेट तय करत हें।

टीवी, फ्रिज अउ घरेलू सामान मा घलो मार सिर्फ गाड़ी च नहीं, बल्कि घर मा उपयोग होय वाला टीवी, फ्रिज अउ एसी घलो महंगा हो जाही। ए मन मा प्लास्टिक के पार्ट्स जादा लगथे, जेखर से एखर कीमत 5 ले 6 प्रतिशत तक बढ़ सकथे। एखर अलावा:

• जूता अउ कपड़ा: सिंथेटिक फाइबर ले बने कपड़ा अउ जूता मन के दाम 9 ले 10 प्रतिशत तक बढ़ सकथे।

• पेंट: घर मा पुताई करे वाला डेकोरेटिव पेंट घलो महंगा होय के तैयारी मा हे।

डॉलर के मुकाबले रुपया कमजोर महंगाई के एक अउ बड़े कारण हे अमेरिकी डॉलर के मुकाबले भारतीय रुपया के कमजोर होना। रुपया करीब 2 प्रतिशत तक गिर गे हे, जेखर से विदेश ले मंगाए जाय वाला सामान (Import) महंगा हो जाथे। एखर सीधा असर कंपनियों के लागत ऊपर पड़त हे।