जिला अस्पताल में कुकुर काटे के इंजेक्शन के कमी ला लेके हाईकोर्ट सख्त, स्वास्थ्य सचिव ले मांगीस जवाब
Chhattisgarh News : बिलासपुर। जिला अस्पताल में कुकुर काटे के इंजेक्शन (एंटी-रेबीज) अउ टिटनेस के दवाई मन के कमी ला लेके हाईकोर्ट ह कड़ा रुख अपनाय हे। ए मामला में सुनवाई करत हुए कोर्ट ह कमिश्नर ला अस्पताल के जांच करके रिपोर्ट देय बर कहे हे। संगे-संग स्वास्थ्य अउ परिवार कल्याण सचिव ला घलो शपथपत्र पेश करे के निर्देश देय गे हे।
चीफ जस्टिस के बेंच में राज्य के वकील ह बताइस कि बिलासपुर जिला अस्पताल में इंजेक्शन के कमी ला लेके अखबार में छपे खबर सही नई ए। ओमन 5 अप्रैल के निर्देश मन के कॉपी घलो देखाइन। एखर बाद कोर्ट ह असलियत के पता लगाय बर पलाश तिवारी ला न्यायालय आयुक्त नियुक्त करिस अउ ओमन ला आजे अस्पताल के दौरा करके रिपोर्ट देय बर कहे हे।
कोर्ट ह ए बात के घलो संज्ञान लिस कि स्वास्थ्य सचिव ला पहिली घलो शपथपत्र देय बर कहे गय रहिस, लेकिन ओमा तारीख के गलती रहिस। अब कोर्ट ह नवा शपथपत्र पेश करे के आदेश देय हे। ए मामला में कल 8 अप्रैल के फेर सुनवाई होही।
