Bijli Bill Half Yojana : छत्तीसगढ़ म जनता ला आज ले मिलिस भारी राहत 200 यूनिट तक हाफ बिजली बिल योजना होगे लागू
Bijli Bill Half Yojana : रायपुर: छत्तीसगढ़ के लाखों घरेलू बिजली उपभोक्ता मन बर आज (सोमवार, 1 दिसमबर 2025) के दिन ह भारी खुसखबरी लेके आइस। सरकार ह अपन वादा पूरा करत हुए, 200 यूनिट तक ‘हाफ बिजली बिल योजना’ ला तुरते लागू कर दे हे, जेकर सेति बिजली बिल म जबरदस्त राहत मिलही। मुख्यमंत्री विष्णु देव साय ह ए बड़े फैसला के घोसना विधानसभा के खास सत्र म करे रहिन।
Bijli Bill Half Yojana : ए नवा योजना के तहत, प्रदेश के जम्मो अइसन घरेलू उपभोक्ता मन, जेमन के महिना भर के बिजली खपत 200 यूनिट तक हे, ओ मन ल ओखर पूरा 200 यूनिट के बिल म आधा दाम देना परही। सरकार के ए निर्णय ले राज्य के लगभग 36 लाख घरेलू उपभोक्ता मन ल सीधा फायदा होही, अउ ओ मन के घर के खरचा म कमी आही।
एखर संग धियान रखे के बात ये हे के अगर कोनो उपभोक्ता ह 201 यूनिट या ओखर ले जादा बिजली जलाही, त ओला ए 200 यूनिट तक के हाफ बिजली बिल योजना के फायदा नइ मिल पाही।
सरकार ह ओ उपभोक्ता मन ल घलो एक खास छूट दे हे, जेमन के महिना भर के खपत 200 यूनिट ले 400 यूनिट तक हे। अइसन लगभग 6 लाख उपभोक्ता मन ल आने वाला 1 बछर तक घलो 200 यूनिट तक हाफ बिजली बिल के फायदा मिलत रही।
ए एक बछर के छूट दे के मुख्य कारन ये हे के ए बेरा म ए उपभोक्ता मन ह अपन घर म पीएम सूर्यघर मुफ्त बिजली योजना के तहत सोलर प्लांट (Solar Plant) लगवा सकंय, अउ बिजली के मामला म खुद आत्मनिर्भर बन सकंय।
