BHU Recruitment 2025 : नौकरी के बढ़िया मौका : 8वीं अउ 10वीं पास मन बर सरकारी भर्ती, जल्दी करव अप्लाई, फेर नई मिलही अइसन मौका
BHU Recruitment 2025 : वाराणसी : अगर आप मन सरकारी नौकरी के खोज म हव, त बनारस हिंदू विश्वविद्यालय (BHU) ह आप मन बर एक सुनहरा मौका लेके आए हे। बीएचयू के इंस्टीट्यूट ऑफ मेडिकल साइंसेज (IMS) म अलग-अलग पद बर भर्ती निकलिस हे। ए भर्ती के सबले बढ़िया बात ये हे कि एमा 8वीं अउ 10वीं पास लइका मन घलो फॉर्म भर सकत हें।
BHU Recruitment 2025 : कोन-कोन से पद म होही भर्ती?
ए भर्ती ह भारत सरकार के ‘बुजुर्ग मन के स्वास्थ्य देखभाल’ (NPHCE) योजना के तहत होवत हे। एमा ये पद सामिल हें:
read more : CG Labor Lynched in Kerala : केरल म नफरत के भेंट चढ़ गे छत्तीसगढ़ के बेटा, अब सरकार ह दिही 30 लाख के मुआवजा
सफाई कर्मचारी: ए पद बर खाली 8वीं पास होना जरूरी हे अउ 1 साल के अनुभव मांगे गे हे।
वार्ड सहायक/हॉस्पिटल अटेंडेंट: ए पद बर 10वीं पास होना अनिवार्य हे।
प्रोग्राम असिस्टेंट: एखर बर कॉलेज पास (ग्रेजुएट) होना अउ कंप्यूटर के जानकारी होना जरूरी हे।
कइसने करना हे आवेदन? (ऑफलाइन प्रक्रिया)
लइका मन ला ध्यान दे बर लगही कि ए भर्ती बर ऑनलाइन फॉर्म नई भरना हे। आप मन ला बीएचयू के वेबसाइट ले फॉर्म डाउनलोड करना हे, ओला बढ़िया ले भरना हे अउ अपन सबो कागज (रिजल्ट, अनुभव प्रमाण पत्र, आधार कार्ड) के फोटोकॉपी म दस्तखत करके लिफाफा म भरके भेजना हे।
पपता अउ आखिरी तारीख (Last Date)
फॉर्म भेजे के आखिरी तारीख 30 दिसंबर 2025 आय। आप मन ला अपन आवेदन ए पता म भेजना हे: ‘प्रोफेसर अनूप सिंह, नोडल ऑफिसर, NPHCE, डिपार्टमेंट ऑफ जेरिएट्रिक मेडिसिन, IMS, BHU, वाराणसी-221005’ त संगी मन, जे मन नौकरी के तलाश म हव, ओमन आखिरी तारीख के अगोरा झन करव अउ जल्दी ले फॉर्म भरके डाक म भेज देव।
Related Posts
