Bhilai News : शातिर नौकर के गजब कारनामा : असली ब्रीफकेस ला बदल के रख दीस नकली, लाखों के चोरी कर के अब जेल म पिसही चक्की
Bhilai News : भिलाई: सुपेला पुलिस ह चोरी के एक अइसन मामला के खुलासा करे हे, जेला सुन के सबो झन अचंभित रह गे हें। एक उद्योगपति के घर म काम करइया वफादार कर्मचारी ह लालच म आके अपन मालिक के ब्रीफकेस ल ही बदल दीस अउ ओमा रखे 2 लाख रूपिया ल पार कर दीस। पुलिस ह आरोपी कर्मचारी सन्नी साहू ल गिरफ्तार कर के जेल भेज दी हे।
Bhilai News : सांझ कुन होइस चोरी, बिहनिया खुलिस पोल
पूरा मामला 17 दिसंबर के आय, जब उद्योगपति अतुल अग्रवाल अपन कारखाना ले घर पहुंचिन। गाड़ी ले उतरत समय ओमन अपन ऑफिस के ब्रीफकेस ला अपन कर्मचारी सन्नी साहू ला धरइन अउ घर के भीतर रखे बर कहिन। सन्नी ह बैग ला धर के भीतर तो गिस, पर ओकर मन म पाप समा गे रहिस।
अगले दिन जब अतुल अग्रवाल ह ऑफिस जाय बर अपन पत्नी ले बैग मांगिस, तब पता चलिस कि बैग ह बदले हुए हे। जब ओला खोल के देखिस त ओकर होश उड़ गे, बैग ले 2 लाख रूपिया नगद अउ जरूरी कागजात गायब रहिन।
शातिर दिमाग: असली के जगह रख दीस नकली बैग
पुलिस ह जब सन्नी ला हिरासत म लेके कड़ाई ले पूछताछ करिस, त ओ ह अपन जुर्म कबूल कर लीस। आरोपी ह बताइस कि ओ ह चोरी करे के नियत ले पहिली ले ही ओइसने दिखने वाला एक दूसरा बैग तैयार रखे रहिस। मौका देख के ओ ह असली ब्रीफकेस ला बदल दीस ताकि मालिक ला शक झन होवय।
बहिनी के बिहाव बर बन गे चोर
पूछताछ म आरोपी सन्नी ह बताइस कि ओकर बहिनी के बिहाव होवइया हे अउ घर म पइसा के तंगी रहिस। एही मजबूरी अउ लालच म आके ओ ह चोरी करिस। सुपेला पुलिस ह आरोपी ला कोर्ट म पेश करिस, जिहां ले ओला न्यायिक हिरासत म जेल भेज दिया गे हे।
