BEL Vacancy 2026: रक्षा मंत्रालय के कंपनी म सरकारी नौकरी के बंपर मौका, इंजीनियर मन ला मिलही अतका सैलरी
BEL Recruitment 2026 : अगर आप मन इंजीनियर हव अउ कोनो बड़े सरकारी कंपनी म नौकरी खोजत हव, त भारत इलेक्ट्रॉनिक्स लिमिटेड (BEL) आप मन बर जबर मौका लेके आए हे। रक्षा मंत्रालय के अधीन ये पब्लिक सेक्टर कंपनी ह 35 डिप्टी इंजीनियर (E-II) के पद बर भरती निकाले हे। ये भरती बेंगलोर कॉम्प्लेक्स के सेंट्रल सर्विसेज डिवीजन बर ‘फिक्स्ड टेन्योर’ यानी एक निश्चित समय बर करे जाही।
ये भरती ले जुड़ी जरूरी जानकारी नीचे दे गे हे:
जरूरी तारीख मन
विज्ञापन जारी होय के तारीख: 11 मार्च 2026
फार्म भरे के आखिरी तारीख: 01 अप्रैल 2026
भर्ती के पूरा विवरण
पद के नाम: डिप्टी इंजीनियर (E-II) – सिविल / आर्किटेक्चर / हॉर्टिकल्चर
कुल पद: 35
उमर: अधिकतम 28 साल (नियम के मुताबिक छूट मिलही)
सैलरी: 40,000 ले 1,40,000 रुपया तक (E-II ग्रेड)
पढ़ई-लिखई (Qualification): B.E./B.Tech (Civil), B.Arch, M.Sc. Horticulture
नौकरी के जगह: बेंगलोर, कर्नाटक
कइसे होही चयन (Selection Process)
ये पद म भरती बर सबले पहिली लिखित परीछा (Written Exam) ले जाही। ओखर बाद इंटरव्यू होही अउ आखरी म कागजात मन के जांच (Document Verification) करे जाही।
कतेक लगही फीस (Application Fee)
सामान्य / OBC बर: 400 रुपया + 18% GST
SC / ST / PwBD / भूतपूर्व सैनिक बर: कोनो फीस नइ लागे
कइसे करव आवेदन
उम्मीदवार मन ला BEL के आधिकारिक वेबसाइट म जाके ऑनलाइन आवेदन करना होही। सबले पहिली रजिस्ट्रेशन करव, ओखर बाद अपन जानकारी भरके फोटो अउ साइन अपलोड करव। फीस पटाए के बाद फार्म ला जमा करके ओखर प्रिंट आउट निकाल के रख लेव।
