Bangladesh Ban IPL : क्रिकेट जगत में हड़कंप: बांग्लादेश में आईपीएल देखे बर लगीस रोक, वर्ल्ड कप के मैच मन ल घलो दूसर देश भेजे के उठीस मांग
Bangladesh Ban IPL : खेल डेस्क : क्रिकेट के दुनिया ले एक बड़े खबर आगू आवत हे। बांग्लादेश सरकार ह अपन देश में इंडियन प्रीमियर लीग (IPL 2026) के देखे अउ ओकर प्रसारण (Broadcast) ऊपर पूरी तरह ले रोक लगा दीस हे। ये सब बवाल स्टार गेंदबाज मुस्तफिजुर रहमान ल आईपीएल ले बाहर करे के बाद सुरु होय हे। बांग्लादेश ह एला अपन खिलाड़ी अउ देश के अपमान मानत हे।
Bangladesh Ban IPL : मुस्तफिजुर के अपमान ले भड़किस बांग्लादेश सरकार
पूरा विवाद मुस्तफिजुर रहमान ल आईपीएल ले निकाले के बाद सुरु होइस। एखर विरोध में बांग्लादेश के खेल मंत्रालय ले जुड़े डॉक्टर आसिफ नजरूल ह एक सोशल मीडिया पोस्ट लिखिस अउ सूचना-प्रसारण मंत्रालय ले मांग करिस कि देश में आईपीएल के टेलीकास्ट ल बंद कर देना चाहिये।
आसिफ नजरूल के कहना हे कि—
“बांग्लादेशी क्रिकेट अउ ओकर खिलाड़ी मन के बेइज्जती कोनो घलो कीमत में बरदाश्त नहीं करे जाय।”
एकर बाद सरकार ह तुरंत फैसला लेत हुए पूरा देश में आईपीएल के प्रसारण ऊपर बैन लगा दीस।
T20 वर्ल्ड कप 2026 बर भारत आय ले घलो करिस मना
आईपीएल ल बैन करे के संग-संग बांग्लादेश ह एक अउ बड़े कदम उठाइस हे। बांग्लादेश क्रिकेट बोर्ड (BCB) ह साफ़ कह दीस हे कि ओ मन 2026 के T20 वर्ल्ड कप खेले बर भारत नहीं अइहें।
ICC ल भेजिन चिट्ठी: बांग्लादेश ह आईसीसी ल ईमेल करके मांग करे हे कि ओकर मैच मन के जगह (Venue) ल बदल दे जाय।
श्रीलंका में खेले के जिद: सुरक्षा के बहाना बनाके बांग्लादेश ह अब अपन वर्ल्ड कप मैच मन ल भारत के जगह श्रीलंका में खेले के मांग करत हे।
BCCI ले घलो मांगिस जवाब
बांग्लादेश क्रिकेट बोर्ड ह भारतीय क्रिकेट कंट्रोल बोर्ड (BCCI) ल घलो एक कड़ा ईमेल भेजिस हे। ओ मन पूछिन हें कि आखिर मुस्तफिजुर रहमान ल आईपीएल ले बाहर काबर करे गिस? अभी तक बीसीसीआई कोती ले एखर कोनो जवाब नहीं आय हे, फेर ए घटना ले भारत अउ बांग्लादेश के बीच क्रिकेट के संबंध गजब बिगड़ गे हे।
खेल प्रेमी मन बर बड़े झटका
बांग्लादेश में आईपीएल के गजब दीवाना मन हें। सरकार के ए फैसला ले वहां के क्रिकेट प्रेमी मन ल बड़े झटका लगे हे। अब ओ मन अपन मनपसंद खिलाड़ी मन ल टीवी में खेलत नहीं देख पाहीं। जानकारों के कहना हे कि अगर ए विवाद जल्दी नहीं सुलझिस, त क्रिकेट के दुनिया में बड़े नुकसान हो सकत हे।
