बलौदाबाजार के स्टील प्लांट मा बड़ हादसा: ब्लास्ट ले 6 मजदूर मन के मौत, 5 झन के हालत गंभीर
Baloda Bazar Steel Plant Blast : बलौदाबाजार। छत्तीसगढ़ के बलौदाबाजार जिला मा गुरुवार के एक ठन दिल दहला देय वाला हादसा हो गे हे। इहां के एक स्टील प्लांट (इस्पात संयंत्र) मा फर्नेस मा ब्लास्ट होय ले 6 मजदूर मन के मउत हो गे हे, जबकि 5 झन मजदूर मन गंभीर रूप ले घायल हें। हादसा के बाद पूरा प्लांट मा अफरा-तफरी मच गे। ये घटना भाटापारा ग्रामीण थाना क्षेत्र के ग्राम बकुलाही मा स्थित प्लांट के आय।
कइसन होईस हादसा अउ रेस्क्यू
जानकारी के मुताबिक, प्लांट मा काम चल्त रिहिस अउ अचानक क्लिनिकल फर्नेस मा जोरदार धमाका होइस। धमाका अतका तेज रिहिस कि मजदूर मन ल संभले के मौका घलो नई मिलीस। घटना के सूचना मिलते ही बलौदाबाजार कलेक्टर दीपक सोनी, एसपी भावना गुप्ता अउ भारी संख्या मा पुलिस बल मौका मा पहुंचिन। घायल मजदूर मन ल तुरंत भाटापारा के अस्पताल ले जाय गे, जिहां प्राथमिक इलाज के बाद ओ मन के हालत ल देखत हुए बिलासपुर रेफर कर दे गे हे।
मंत्री अउ प्रशासन ह जांच के दिहिन निर्देश
ए बड़े हादसा ऊपर मंत्री टंक राम वर्मा ह दुख जतावत कहिन कि ए मामला के गहिराई ले जांच होना चाहिये। मजदूर मन के मउत कइसन परिस्थिति मा होईस अउ का प्लांट मा सुरक्षा के इंतजाम रिहिस या नई, ये सबो बात मन के जांच करे जाही। कलेक्टर अउ एसपी ह हादसा के पुष्टि करत कहिन कि राहत अउ बचाव के काम जारी हे अउ प्लांट प्रबंधन ले घलो पूछताछ करे जावत हे।
हादसा मा घायल मन के नाम
ए ब्लास्ट मा मोटाज अंसारी (26), सराफत अंसारी (32), साबिर अंसारी (37), कल्पू भुइया (51) अउ रामू भुइया (34) गंभीर रूप ले घायल हुए हें। प्रशासन ह मृतक मन के परिवार अउ घायल मन ल हर संभव मदद देय के भरोसा दिलाय हे।
