महुआ बीने गे दम्पति ऊपर मधुमक्खी मन के हमला, पति के मउत अउ पत्नी घायल
Chhattisgarh News : बालोद। छत्तीसगढ़ के बालोद जिला ले एक ठन दुखद खबर आगू आए हे, जहाँ मधुमक्खी मन के हमला ले एक बुजुर्ग के जान चले गीस। महुआ बीने बर जंगल गे दम्पति ऊपर मधुमक्खी मन के झुंड ह अचानक हमला कर दीस, जेखर से पति के मउका म ही मउत हो गीस, अउ पत्नी गंभीर रूप ले घायल हे। ये पूरा मामला डौंडी थाना क्षेत्र के गोटूलमुड़ा गांव के आए।
जानकारी के मुताबिक, 65 साल के चम्पूलाल गोयल अपन पत्नी सुमित्रा के संग जंगल म महुआ बीने बर गे रहिस। उहि बेरा मधुमक्खी मन के झुंड ह ओ मन ऊपर टूट पड़ीस। हमला म दूनों झन बुरी तरह ले घायल हो गे रहिन। कतको जतन करके पत्नी सुमित्रा ह अपन जान बचाईस, फेर चम्पूलाल गोयल के मउका म ही दम निकल गीस।
घायल महिला ल तुरंत जिला अस्पताल म भरती कराए गे हे, जहाँ ओखर इलाज चलत हे। घटना के सूचना मिलत ही पुलिस ह मउका म पहुँच के मर्ग कायम करीस अउ लास ल पोस्टमार्टम बर भेज दीस। पुलिस ह मामला के जाँच म जुटे हे। ये घटना के बाद ले इलाका म दसत के माहौल हे।
