MacBook Neo : Apple ह लॉन्च करिस सबले सस्ता Laptop, भारत मा कीमत ह आपके बजट मा
Apple MacBook Neo: नई दिल्ली। एप्पल (Apple) ह अपन ग्राहक मन बर एक नवा अउ कम कीमत वाला लैपटॉप MacBook Neo लॉन्च कर दे हे। ये नवा मैकबुक मा 13 इंच के लिक्विड रेटिना डिस्प्ले हे अउ ये ह कंपनी के दमदार A18 Pro चिपसेट मा काम करथे। ये उही प्रोसेसर आय जेखर इस्तेमाल iPhone 16 Pro मा घलो करे गे हे।
एप्पल के कहना हे कि ये बजट फ्रेंडली मैकबुक ह एक बार चार्ज करे मा 16 घंटा तक के बैटरी लाइफ देथे। एमा सुरक्षा बर टच ID अउ टाइपिंग बर मैजिक कीबोर्ड घलो दिय गे हे।
MacBook Neo के भारत मा कीमत
एप्पल ह एला चार सुग्घर रंग— ब्लश, सिट्रस, इंडिगो अउ सिल्वर मा उतारे हे। कीमत अइसने हे:
8GB रैम + 256GB स्टोरेज: 69,900 रुपिया
8GB रैम + 512GB स्टोरेज: 79,900 रुपिया
स्टूडेंट ऑफर: लइका मन बर एमा 10,000 रुपिया के ‘एजुकेशन डिस्काउंट’ घलो मिलही।
एखर प्री-बुकिंग सुरु हो गे हे अउ 11 मार्च ले एखर बिक्री कंपनी के वेबसाइट अउ बड़े दुकान मन मा सुरु हो जाही। बजार मा एखर टक्कर विंडोज लैपटॉप (HP, Dell) अउ क्रोमबुक ले होही।
का हे एमा खास? (Specifications)
दमदार परफॉर्मेंस: एप्पल के दावा हे कि ये ह विंडोज पीसी के तुलना मा 50% जादा तेज हे अउ AI काम मन बर 3 गुना जादा ताकतवर हे।
डिस्प्ले अउ कैमरा: 13 इंच के चकाचक डिस्प्ले अउ वीडियो कॉलिंग बर 1080p FaceTime HD वेबकैम दिय गे हे।
बैटरी अउ वजन: एमा 36.5Wh के बैटरी हे अउ वजन सिरिफ़ 1.23 किलो हे, जेला आसानी ले कहुं भी ले जाय जा सकथे।
कनेक्टिविटी: वाई-फाई 6E, ब्लूटूथ 6 अउ चार्जिंग बर USB Type-C पोर्ट के सुविधा हे।
