अमित बघेल जेल ले रिहा होइन, बलौदाबाजार हिंसा मामला मा होइस रिहिस गिरफ्तारी
रायपुर: छत्तीसगढ़ क्रांति सेना के अध्यक्ष अउ जोहार छत्तीसगढ़ पार्टी के सुप्रीमो अमित बघेल बुधिन के रायपुर सेंट्रल जेल ले रिहा होके बहिर आ गिन। ओंकर रिहाई ले समर्थक अउ कार्यकर्ता मन मा भारी उत्साह देखे बर मिलिस। जेल के बहिर बड़का संख्या मा कार्यकर्ता अउ समर्थक मन मौजूद रिहिन।
अमित बघेल के जेल ले बहिर आवत ले समर्थकों मन सेंट्रल जेल ले घड़ी चौक तक रैली निकालिन। ई बीच बड़का संख्या मा छत्तीसगढ़ क्रांति सेना के नेता अउ कार्यकर्ता मौजूद रिहिन। समर्थक मन ओंकर जोरदार स्वागत करिन अउ आतिशबाजी घलो करिन।
बता दन कि बलौदाबाजार हिंसा मामला मा अमित बघेल पिछले कई महीना ले जेल मा बंद रिहिन। ओंला 17 जुलाई के सुप्रीम कोर्ट ले जमानत मिले रिहिस। अदालत के शर्त के तहत ओंला करीब तीन महीना तक रायपुर जिला ले बहिर रहना परही।
जानव पूरा मामला
बलौदाबाजार के दशहरा मैदान मा 10 जून 2024 के जैतखाम मा तोड़ा-फोड़ी के विरोध मा प्रदर्शन रखे गय रिहिस, जेमा हजारों के संख्या मा लोगन मन पहुंचे रिहिन। आरोप है कि उहां छत्तीसगढ़ क्रांति सेना के पदाधिकारी मन मंच ले भड़काऊ भाषण देके भीड़ ला उग्र कर दिन। एकर बाद हिंसक होय भीड़ हा बैरिकेड्स ला तोढ़त कलेक्टोरेट अउ एसपी कार्यालय परिसर मा घुस के जमकर तोड़ा-फोड़ी करिन। सैकड़ों गाड़ी मन मा आगी लगा दिन अउ कलेक्टोरेट भवन ला घलो आगी के हवाले कर दिन। ई दौरान बीच-बचाव करत अउ ड्यूटी मा तैनात पुलिस अधिकारी अउ जवान मन ऊपर लाठी, पथारा अउ लोहा के रॉड ले हमला करे गय रिहिस, जेमा कई कर्मचारी मन गंभीर रूप ले घायल हो गे रिहिन।
