अजित पवार के निधन: बारामती म प्लेन क्रैश, जम्मो 5 यात्री मन के मौत, चुनाव प्रचार बर जावत रहिन
बारामती। महाराष्ट्र के डिप्टी सीएम अजित पवार के निधन हो गे हे। महाराष्ट्र के बारामती म बुधवार के प्लेन क्रैश म अजित पवार समेत जम्मो पांच झिन मनखे मन के मौत हो गे। डीजीसीए ह अजित पवार के देहांत के पुष्टि कर दे हे। पुणे जिला प्रशासन ह घलो अजित पवार समेत जम्मो 6 झिन के मौत के पुष्टि करे हे। अजित पवार ह मुंबई ले बारामती पहुंचत रहिन, उहां ओमन ल जिला परिषद चुनाव ले जुड़े कार्यक्रम म सामिल होना रहिस।
बिहनिया 8 बजकर 45 मिनट म ये हादसा होइस। विमान ह पूरी तरह ले जल के खाक हो गे हे। डेड बॉडी मन ल निकाले के कार्रवाई जारी हे। ये अजित पवार के निजी विमान रहिस। प्रशासन अउ सुरक्षा एजेंसी मन मौका म पहुंच गे हें अउ स्थिति के जायजा लेवत हें।
सुप्रिया सुले, सुनेत्रा पवार अउ पार्थ पवार दिल्ली ले बारामती बर रवाना हो गे हें। रवाना होय के पहिली तीनों नेता मन ए समय शरद पवार के आवास म एक साथ मौजूद रहिन, जिहां ले ओमन के संयुक्त रूप ले आगू के यात्रा कार्यक्रम के तियारी करे जावत हे।
