हवाई सफर करइया मन बर खुशखबरी…
Air Travel New Rules 2026 : नई दिल्ली: हवाई जहाज में सफर करइया मन बर सरकार ह बड़े राहत के खबर सुनाय हे। अब फ्लाइट में सीट चुने बर मनमाना सुल्क नहीं देना पड़ही, काबर कि सरकार ह नवा नियम लागू कर दे हे। अब प्लेन के 60% सीट मन बिल्कुल फ्री रही, यानी अपन पसंद के सीट ले बर अब एक्स्ट्रा पइसा के झंझट खत्म हो गे हे।
एक साथ बइठ सकही परिवार के लोगन अक्सर देख जावत रहिस कि एक ही टिकट (PNR) होय के बाद घलो परिवार के लोगन मन ला अलग-अलग सीट मिलत रहिस। लेकिन नवा नियम के मुताबिक, अब अगर परिवार के लोगन एक साथ टिकट बुक करथें, त एयरलाइंस ला ओ मन ला अगल-बगल ही बइठारे के व्यवस्था करना पड़ही। एखर से लइका मन अउ बुढ़वा सियान मन ला सफर में कोनो तकलीफ नहीं होही।
फ्लाइट लेट होय मा एयरलाइंस के खैर नहीं नवा नियम में यात्री मन के अधिकार ला अउ मजबूत करे गे हे। अगर फ्लाइट लेट होथे या कैंसिल होथे, त एयरलाइंस मन ला कड़ा नियम मन के पालन करना पड़ही। यात्री मन ला ओखर अधिकार के जानकारी एयरपोर्ट अउ वेबसाइट में क्षेत्रीय भाषा (जैसे हमर छत्तीसगढ़ी) में घलो देना अनिवार्य कर दे गे हे।
उड़ान यात्री कैफे: 10 रुपिया में चाय अउ पानी हवाई अड्डा में खाय-पिये के महँगा सामान ले छुटकारा दिलाय बर सरकार ह ‘उड़ान यात्री कैफे’ के शुरुआत करे हे। अब एयरपोर्ट में यात्री मन ला सिर्फ 10 रुपिया में चाय अउ पानी मिलही, अउ नास्ता घलो सिर्फ 20 रुपिया के आसपास मिल जही। एखर अलावा पालतू जानवर (Pets) अउ संगीत के सामान ले जाय बर घलो नियम मन ला सरल बनाय गे हे।
