‘डर’ के दूसरा नांव Air India! अहमदाबाद म फेर भारी लापरवाही, टल गे बड़का खतरा
बेंगलुरु। एअर इंडिया (Air India) के बोइंग-787 ड्रीमलाइनर जहाज मन में बार-बार तकनीकी खराबी के आना अब यात्री मन के सुरक्षा बर बड़े सवाल खड़ा कर दे हे। ताजा मामला लंदन ले बेंगलुरु आथुवा फ्लाइट AI132 के हे, जिहां उड़ान भरे के ठीक पहिली अइसन खराबी धरािस जेखर से पूरा हड़कंप मच गे हे। सबले चकित करे वाली बात ये हे कि ये खराबी बिल्कुल उइसने हे जइसन कुछ दिन पहिली अहमदाबाद में क्रैश होय फ्लाइट AI-171 में रिहिस।
ऐन बखत में टल गे बड़का हादसा 1 फरवरी 2026 के जब एअर इंडिया के जहाज बेंगलुरु बर उड़ान भरे के तैयारी करत रिहिस, तभे पायलट मन ल इंजन चालू करत बखत भारी गड़बड़ी के अहसास होइस। ‘सेफ्टी मैटर्स फाउंडेशन’ के मुताबिक, जहाज के उंवा हाथ कोती के इंजन के फ्यूल कंट्रोल स्विच अपन जगह में लॉक नई होवत रिहिस। जब पायलट मन ह ओला ‘RUN’ मोड में डारिन, त ऊ ह अपन आप ‘CUTOFF’ कोती खिसक गे।
अगर उड़ान के बीच में अइसन होतिस, त अकास में ही इंजन बंद हो जातिस, जेखर से भारी अनहोनी हो सकत रिहिस। खतरा ल देखत हुए क्रू ह उड़ान ल रद्द करे के फैसला लिस।
सवालों के घेरा में एअर इंडिया अउ DGCA एअर इंडिया ह कहिथे कि DGCA के आदेश में ओ मन ह अपन सबो बोइंग-787 जहाज मन के जांच पहिली ही कर डारे रिहिन अउ सबो जहाज सुरक्षित रिहिन। अब सवाल ये उठथे कि अगर जांच सही रिहिस, त फेर उही पुरानी खराबी दोबारा कइसने आइस?
जानकार मन के कहना हे कि ये भारी लापरवाही के मामला हे। एक ही किसम के खराबी बार-बार आना ये बताथे कि यात्री मन के जान ल जोखिम में डार के जहाज मन ल उड़ाए जावत हे।
